سید شہزاد ناصر
محفلین
دل بہم پہنچا بدن میں تب سے سارا تن جلا
آ پڑی یہ ایسی چنگاری کہ پیراہن جلا
آ پڑی یہ ایسی چنگاری کہ پیراہن جلا
سرکشی ہی ہے جو دِکھلاتی ہے اس مجلس میں داغ
ہو سکے تو شمع ساں دیجے رگِ گردن جلا
ہو سکے تو شمع ساں دیجے رگِ گردن جلا
بدر ساں اب آخر آخر چھا گئی مجھ پر یہ آگ
ورنہ پہلے تھا مِرا جوں ماہِ نو دامن جلا
ورنہ پہلے تھا مِرا جوں ماہِ نو دامن جلا
کب تلک دھونی لگائے جوگیوں کی سی رہوں
بیٹھے بیٹھے در پہ تیرے تو مِرا آسن جلا
بیٹھے بیٹھے در پہ تیرے تو مِرا آسن جلا
سوکھتے ہی آنسوؤں کے نور آنکھوں سے گیا
بجھ ہی جاتے ہیں دِیے جس وقت سب روغن جلا
بجھ ہی جاتے ہیں دِیے جس وقت سب روغن جلا
آگ سی اِک دل میں سلگے ہے کبھو بھڑکی تو میرؔ
دے گی میری ہڈیوں کا ڈھیر جوں ایندھن جلا
دے گی میری ہڈیوں کا ڈھیر جوں ایندھن جلا
