مہ جبین
محفلین
دل روضہء رسول (صلی اللہ علیہ وسلم) پہ محوِ سجود تھا
پابندیوں کے رخ پہ بھی رنگِ کُشود تھا
آقا نے مجھ کو دامنِ رحمت میں لے لیا
"میں ورنہ ہر لباس میں ننگِ وجود تھا "
رنگِ شگفتنِ گلِ طیبہ سے پیشتر
بے نام تھی بہار چمن بے نمود تھا
حدِّ نگاہ میں تھیں دوعالم کی وسعتیں
میرے لبوں پہ ذکرِ شہِ ہست و بود تھا
مہکا ہوا تھا ذکرِ محمد (صلی اللہ علیہ وسلم ) سے ہر نَفَس
اُس انجمن میں کس کو سرِ مشک و عود تھا
جبریل سے سنیں شبِ اسرا کی رونقیں
انوار کے حصار میں چرخِ کبود تھا
اللہ رے مدحتِ شہِ لوح و قلم ایاز
تا بامِ عرش وردِ سلام و درود تھا
ایاز صدیقی
