دل ضربتِ نگاہ کا خوگر بھی چاہیے
اس آئینے کے واسطے پتھر بھی چاہیے
کربِ نگاہ و دل ہی مقام طلب نہیں
اک اضطراب روح کے اندر بھی چاہیے
سجدہ بغیر حسن عقیدت ہے بے اثر
ماتھے پہ جو نشاں ہے وہ دل پر بھی چاہیے
ہر چند زندگی ہی عبادت سہی مگر
تجدیدِ بندگی کو ترا دَر بھی چاہیے
سوزِ غمِ فراق میسر ہوا تو کیا
آنکھوں میں آنسوؤں کا سمندر بھی چاہیے
اے دوست کچھ دنوں سے بقید حواس ہوں
اک چشمِ التفات مکرر بھی چاہیے
آوارگیء شوق سے جب ہوگئے نڈھال
محسوس تب ہوا یہ ہمیں گھر بھی چاہیے
حاصل سکونِ دل ہی نہیں منزل طلب
آنکھوں کو حسنِ یار کا منظر بھی چاہیے
اس آئینے کے واسطے پتھر بھی چاہیے
کربِ نگاہ و دل ہی مقام طلب نہیں
اک اضطراب روح کے اندر بھی چاہیے
سجدہ بغیر حسن عقیدت ہے بے اثر
ماتھے پہ جو نشاں ہے وہ دل پر بھی چاہیے
ہر چند زندگی ہی عبادت سہی مگر
تجدیدِ بندگی کو ترا دَر بھی چاہیے
سوزِ غمِ فراق میسر ہوا تو کیا
آنکھوں میں آنسوؤں کا سمندر بھی چاہیے
اے دوست کچھ دنوں سے بقید حواس ہوں
اک چشمِ التفات مکرر بھی چاہیے
آوارگیء شوق سے جب ہوگئے نڈھال
محسوس تب ہوا یہ ہمیں گھر بھی چاہیے
حاصل سکونِ دل ہی نہیں منزل طلب
آنکھوں کو حسنِ یار کا منظر بھی چاہیے
