رضا دل کو اُن سے جدا خدا نہ کرے

[مہ جبین]

دل کو اُن سے جدا خدا نہ کرے​

بے کسی لوٹ لے خدا نہ کرے​

​

اس میں روضہ کا سجدہ ہو کہ طواف​

ہوش میں جو نہ ہو وہ کیا نہ کرے​

​

یہ وہی ہیں کہ بخش دیتے ہیں​

کون ان جرموں پہ سزا نہ کرے​

​

سب طبیبوں نے دے دیا ہے جواب​

آہ عیسیٰ اگر دوا نہ کرے​

​

دل کہاں لے چلا حرم سے مجھے​

ارے تیرا برا خدا نہ کرے​

​

عذر امید عفو گر نہ سنیں​

رو سیاہ اور کیا بہانہ کرے​

​

دل میں روشن ہے شمعِ عشقِ حضور​

کاش جوشِ ہوس ہوا نہ کرے​

​

حشر میں ہم بھی سیر دیکھیں گے​

منکر آج اُن سے التجا نہ کرے​

​

ضعف مانا مگر یہ ظالم دل​

اُن کے رستے میں تو تھکا نہ کرے​

​

جب تری خو ہو سب کا جی رکھنا​

وہی اچھا جو دل برا نہ کرے​

​

دل سے اک ذوقِ مے کا طالب ہوں​

کون کہتا ہے اتقا نہ کرے​

​

لے رضا سب چلے مدینے کو​

میں نہ جاؤں ارے خدا نہ کرے​

​

اعلیٰ حضرت الشاہ امام احمد رضا خان فاضلِ بریلوی رحمۃاللہ علیہ​

​

​

 

[حسیب نذیر گِل]

جزاک اللہ خیراً مہ جبین خالہ

 

[سید زبیر]

لے رضا سب چلے مدینے کو
میں نہ جاؤں ارے خدا نہ کرے
سبحان اللہ ، نہائت عمدہ انتخاب