ایاز صدیقی دل کی دھڑکن کا ہم آہنگِ دعا ہو جانا

[مہ جبین]

دل کی دھڑکن کا ہم آہنگِ دعا ہو جانا​

بابِ تاثیر کا آغوش کشا ہوجانا​

​

میرا ایماں ہے حضوری میں ڈھلے گی دوری​

" درد کا حد سے گزرنا ہے دوا ہو جانا "​

​

مجھ کو آتا ہے عذابِ شبِ ہجراں کا علاج​

یاد کرنا انہیں اور نعت سرا ہو جانا​

​

وہ بلائیں تو سہی اذنِ سفر تو آئے​

تَو سنِ شوق کو آتا ہے ہَوا ہو جانا​

​

میں بھی سرکار کے کُوچے کا گدا ہوں یارب​

میرے سجدوں کو بھی آجائے ادا ہو جانا​

​

آپ کی سیرتِ اطہر نے سکھایا ہے ہمیں​

سر بہ سر بندہِ تسلیم و رضا ہو جانا​

​

تجھ پہ کھل جائیں گے الفاظ کے اسرار ایاز​

ان کے در پر ہمہ تن حرفِ دعا ہو جانا​

​

ایاز صدیقی​

​

​

​

 

[محمد خلیل الرحمٰن]

وہ بلائیں تو سہی اذنِ سفر تو آئے​

تَو سنِ شوق کو آتا ہے ہَوا ہو جانا​

​

آپ کی سیرتِ اطہر نے سکھایا ہے ہمیں​

سر بہ سر بندہِ تسلیم و رضا ہو جانا​

​

​

خوبصورت نعت
شیئر کرنے کا شکریہ مہ جبین بہنا!

 

[محمود احمد غزنوی]

بہت ہی خوبصورت نعت۔۔۔۔بہت بہت شکریہ

 

[مہ جبین]

محمد خلیل الرحمٰن بھائی اور محمود احمد غزنوی بھائی
نعت کی پسندیدگی کے لئے مشکور ہوں

 

[سید زبیر]

میں بھی سرکار کے کُوچے کا گدا ہوں یارب
میرے سجدوں کو بھی آجائے ادا ہو جانا
جزاک اللہ ۔۔بہت خوبصورت نعت شیئر کی ہے

 

[مہ جبین]

@syed Zubair بھائی بہت شکریہ نعت کی پسندیدگی کا​

جزاک اللہ​

 

[قرۃالعین اعوان]

سبحان اللہ
جزاک اللہ احسن الجزاء

 

[مہ جبین]

سبحان اللہ
جزاک اللہ احسن الجزاء

آمین یا رب العالمین
بہت شکریہ عینی