دل کے کیا حالات میاں؟

[راحیل فاروق]

صید ہے اپنی ذات میاں
کون لگائے گھات میاں

بھول گیا میں اپنا آپ
غم کی کیا اوقات میاں؟

دن کا ہر کوئی محرم ہے
رات کی بھیدی رات میاں

دل کے پوچھتے ہو حالات
دل کے کیا حالات میاں؟

گلشن گلشن ویرانے
پھول نہ کوئی پات میاں

ایک گھٹا بھی کم تو نہ تھی
کیوں نہ ہوئی برسات میاں

کون کہے اور کون سنے؟
اتنی گہری بات میاں؟

ٹھوکر کھائی پھر راحیلؔ
دنیا کی سوغات میاں

راحیلؔ فاروق
​

مشمولہ: زار

 

[محمد تابش صدیقی]

واہ واہ، راحیل بھائی۔ کیا بات ہے۔

بھول گیا میں اپنا آپ
غم کی کیا اوقات میاں؟

کون کہے اور کون سنے؟
اتنی گہری بات میاں؟

 

[عباد اللہ]

کیا ہی اچھا کہتے ہیں
آپ تو ہیں استاد میاں
ایک ہمی پر کیا موقوف
سب ہی دیں گے داد میاں
بحرِ تحیر کا غواص
آپ کا ہر نقاد میاں
باقی پھر سہی ابھی کچھ مصروف ہوں سر

 

[محمد امین]

بہت ہی پیارا کلام ہے۔۔۔ جیتے رہیں۔۔

 

[نیرنگ خیال]

بہت ہی عمدہ اور اعلی کلام راحیل بھائی۔۔۔ بہت سی داد قبول فرمائیے اس ناچیز کی طرف سے۔

 

[محمد خلیل الرحمٰن]

بہت خوب بہت خوب۔ بہت سی داد آپ کے لیے ۔ قبول فرمائیے

 

[فاتح]

واہ واہ کیا کہنے راحیل بھائی۔ خوب است

 

[جاسمن]

بہت خوب!
بہت خوبصورت!
خوبصورت بحر،پیاری ردیف،منفرد خیالات،
واہ واہ!
دعاؤں بھری داد۔

 

[ادب دوست]

حافظ خسرو گھات میاں
ہر مصرع سوغات میاں
کتنا پیارا تیرا لہجہ
کتنی اچھی بات میاں
تیرے عاشق فاتح بھائی
اپنی کیا اوقات میاں
مہکے، گل کیا، تیرے گلشن
ہر ڈالی ہر پات میاں

 

[الف عین]

خوب ماشاء اللہ، مجھے یاد تھی کہیہ غزل زار میں شامل تھی۔بر سبیل تذکرہ۔ ’زار‘ کا فیس بک کا لنک دینے کی بجائے ہماری لائبریری کا ہی کیوں نہیں دے دیتے!!

 

[راحیل فاروق]

واہ واہ، راحیل بھائی۔ کیا بات ہے۔

بہت شکریہ، تابش بھائی۔

کیا ہی اچھا کہتے ہیں
آپ تو ہیں استاد میاں
ایک ہمی پر کیا موقوف
سب ہی دیں گے داد میاں
بحرِ تحیر کا غواص
آپ کا ہر نقاد میاں
باقی پھر سہی ابھی کچھ مصروف ہوں سر

بہت ہی پیارا کلام ہے۔۔۔ جیتے رہیں۔۔

شکریہ، امین بھائی۔

بہت ہی عمدہ اور اعلی کلام راحیل بھائی۔۔۔ بہت سی داد قبول فرمائیے اس ناچیز کی طرف سے۔

ہم تو آپ کو چیز سمجھتے ہیں، سرکار۔ اور وہ بھی بڑی چیز۔ داد کا شکریہ۔

بہت خوب بہت خوب۔ بہت سی داد آپ کے لیے ۔ قبول فرمائیے

داد قبول کی گئی۔ شکریہ قبول کیا جائے۔

واہ واہ کیا کہنے راحیل بھائی۔ خوب است

بہت خوب!
بہت خوبصورت!
خوبصورت بحر،پیاری ردیف،منفرد خیالات،
واہ واہ!
دعاؤں بھری داد۔

شکریہ، آپی۔ دعائیں ہر حال میں درکار۔

حافظ خسرو گھات میاں
ہر مصرع سوغات میاں
کتنا پیارا تیرا لہجہ
کتنی اچھی بات میاں
تیرے عاشق فاتح بھائی
اپنی کیا اوقات میاں
مہکے، گل کیا، تیرے گلشن
ہر ڈالی ہر پات میاں

میرؔ والی ڈی پی کا حق ادا کیا جناب نے۔ متشکرم۔

خوب ماشاء اللہ، مجھے یاد تھی کہیہ غزل زار میں شامل تھی۔بر سبیل تذکرہ۔ ’زار‘ کا فیس بک کا لنک دینے کی بجائے ہماری لائبریری کا ہی کیوں نہیں دے دیتے!!

آئندہ حکم کی تعمیل ہو گی، سر!

 

[کاشف اختر]

بھول گیا میں اپنا آپ
غم کی کیا اوقات میاں؟

دن کا ہر کوئی محرم ہے
رات کی بھیدی رات میاں

لاجواب راحیل بھائی! بہت خوب

 

[حمیرا عدنان]

واہہہہ راحیل بھائی بہت عمدہ کہی
خوش رہیں شاد و آباد رہیں

 

[یاز]

واہ واہ۔
بہت ہی زبردست جناب۔ ایک ایک شعر کمال ہے۔

 

[ظہیراحمدظہیر]

بھول گیا میں اپنا آپ
غم کی کیا اوقات میاں؟

کیا بات ہے !! بہت اعلیٰ!!!