دوسرے شعراء کے تخلص والے اشعار

[جاسمن]

صرف تھوڑی سی سخن فہمی اگر دیدے خدا
زندگی کا لطف غالبؔ کی طرف داری میں ہے
شجاع خاور

 

[جاسمن]

ساری دنیا کررہی ہے اس کی صحرا میں تلاش
اور دیوانہ چھپا ہے میرؔ کے دیوان میں
شجاع خاور

 

[جاسمن]

وصل کس کو نصیب ہوتا ہے
داغؔ کے شعر پر گزارا کر
شجاع خاور

 

[جاسمن]

اب ملے ہیں دل وجاں اس کے شجاعؔ خاور میں
پہلے غالبؔ میں غزل کا تھا دل اور میرؔ میں جاں
شجاع خاور

 

[جاسمن]

ذوقؔ صاحب کو سخن فہموں سے آتا ہے حجاب
سارے الزام ہیں غالبؔ کے طرفدار کے سر
شجاع خاور

 

[جاسمن]

قلم کا لطف اگر اک انیسؔ پر ہوجائے
تو پھر ہزار دبیروں سے کچھ نہیں ہوتا
شجاع خاور

 

[جاسمن]

میرؔ جی ایسی غزل گوئی بھی کیا
سننے والے گھر سے بے گھر ہوگئے
شجاع خاور

 

[جاسمن]

میر کے شعر کا احوال کہوں کیا غالب
جس کا دیوان کم از گلشنِ کشمیر نہیں
غالب

 

[جاسمن]

ملتے رہتے ہیں مجھے آج بھی غالب کے خطوط
وہی اندازِ تخاطُب کہ " میاں کیسے ہو "
افضل خان

 

[فرخ منظور]

ہم تماشائیِ دیر و حرم و دار بھی ہیں
ہم سخن فہم بھی غالبؔ کے طرف دار بھی ہیں
(فرخ منظور)

 

[جاسمن]

خواہش ہے میں خرید لوں غالب کا خستہ گھر
اور معجزہ ہو ،صحن سے اردو نکل پڑے

 

[جاسمن]

خوشا یہ غالب و اقبال و فیض کی صحبت
شراب خانۂ اردو میں وقت کٹتا ہے

 

[شکیل احمد خان23]

ملتے رہتے ہیں مجھے آج بھی غالب کے خطوط
وہی اندازِ تخاطُب کہ " میاں کیسے ہو "
افضل خان

میرا سلام کہیو اگر نامہ بر ملے۔۔۔۔۔۔۔۔۔

شعرمیرے بھی ہیں پُردرد ولیکن حسر ؔت
میر ؔ ۔۔،۔۔کا شیوۂ گفتار کہاں سے لاؤں

 

[جاسمن]

کسی کو تحفے میں دے دی ہے یوسفی کی کتاب
کہ ہم نے کون سا اب مسکرانا ہوتا ہے
اعجاز توکل

 

[سیما علی]

ہیں شادؔ و صفیؔ شاعر یا شوقؔ و وفاؔ حسرتؔ
پھر ضامنؔ و محشرؔ ہیں اقبالؔ بھی وحشتؔ بھی
حسرت موہانی

 

[سیما علی]

ریختے کے تمہیں استاد نہیں ہو غالب
کہتے ہیں اگلے زمانے میں کوئی میر بھی تھا

 

[سیما علی]

غالب اپنا یہ عقیدہ ہے بہ قول ناسخ
آپ بے بہرہ ہے جو معتقد میرنہیں

 

[سیما علی]

نہ ہوا پر نہ ہوا میر کا انداز نصیب
ذوق یاروں نے بہت زور غزل میں مارا

 

[سیما علی]

دو گھڑی آؤ مل آئیں کسی غالبؔ سے قتیلؔ
حضرت ذوقؔ تو وابستہ ہیں دربار کے ساتھ

 

[سیما علی]

احمد فرازؔ ہو یا وہ میرؔ و میرزاؔ ہوں
اے عشق تو نے چھوڑا سب کو خراب کر کے