فراز دولتِ درد کو دنیا سے چھپا کر رکھنا

[حسان خان]

دولتِ درد کو دنیا سے چھپا کر رکھنا​

آنکھ میں بوند نہ ہو دل میں سمندر رکھنا​

​

کل گئے گزرے زمانوں کا خیال آئے گا​

آج اتنا بھی نہ راتوں کو منور رکھنا​

​

اپنی آشفتہ مزاجی پہ ہنسی آتی ہے​

دشمنی سنگ سے اور کانچ کا پیکر رکھنا​

​

آس کب دل کو نہیں تھی ترے آ جانے کی​

پر نہ ایسی کہ قدم گھر سے نہ باہر رکھنا​

​

ذکر اس کا ہی سہی بزم میں بیٹھے ہو فراز​

درد کیسا ہی اٹھے ہاتھ نہ دل پر رکھنا​

​

(احمد فراز)​

 

[محمد بلال اعظم]

ذکر اس کا ہی سہی بزم میں بیٹھے ہو فراز
درد کیسا ہی اٹھے ہاتھ نہ دل پر رکھنا​

واہ واہ واہ
کیا شعر ہے!