دوہڑے

[جاویداقبال]

السلام وعلیکم ورحمۃ اللہ وبرکاتہ،
اکھیاں بازعقاب سوہنے دیاں، شورگھتن شہ زوریاں
مست ہوون مستانیاں ڈوہیں، ڈاڈھے کیف ککوریاں
مونہہ وچ ڈو مہتاب نی روشن، یاوت نورکٹوریاں
خونی خون کریندیاں سچل، تاں بھی سدا سگوریاں
سچل سرمت

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

مشاقاں کوں یارسوہنے دیاں، چھکن کریندیاں چھماں
دیکھ عشاق بھی وقت اوہیں، دم سر وی چاون طمع
حسن دی ہاک پئی ونجھ ہرجا، کیاابھا تے کیا لما
سچل غریب کوں راتیں ڈیہاں غمزہ لایاں غماں
سچل سرمست

بشکریہ اپناآرگ

والسلام
جاویداقبال

 

[تلمیذ]

بوہت اچھے !

جاوید تُسیں پنجابی فورم دے اصل راکھے او !!

ایہنوں جاری رکھنا۔۔۔ اسیں لگا تار پڑھنے پئے آں ۔۔

 

[جاویداقبال]

السلام علیکم ورحمۃ اللہ وبرکاتہ،

انشاء اللہ تلمیذبھائی، کوشش کراں گاکہ اینوں جاری رکھاں۔

"لا" نفی" دا کلمہ سانوں' مرشد آپ پڑھایا
ہتھیا ڈتس ہمت والا' جنھیں سارا ہوش گنوایا
اساں بھی تنھیں دے کیتے یارو، مہناسرتے چایا
سچل تھی قربان اوہناں توں' جہیناں آکے جوش جگایا
سچل سرمت
بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،


شیر اکھیں دے غالب ہوندے، اتے شیر جھنگل دے
شیراکھیں کنوں کوئی نہ بچسی، آسی وچ چنگل دے
جھنگ والا مڑ ویندا ایہہ تاں کھڑدا کان قتل دے
مارن باجھوں مشاقاں دے اہے سچل مول نہ ٹلدے
سچل سرمست

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

اکھیاں عشق ، تے عشق نی ابرو، مثرگاں عشق سبھو ای
جادوگر دا جلوا ڈاڈھا، سبھ نوں حیرت ہوئی
عاشق دیکھ حسن دے مرچے ، حال ونجیدہ روئی
سچل تیر کماناں بازاں، بھج نہ ویندا کوئی
سچل سرمست

بشکریہ اپناآرگ


والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

سوہنایارخراماں آیا، نازغرور غماز کنوں
لک کھڑے شہباز تے شکرے ،چشماں دے پروازکنوں
دہشت جھل نہ سگی بازاں، چھپ کھڑے آوازکنوں
عشق دی آیت پڑھی عشاقاں، حسن والے ابیاض کنوں
سچل کوں ایہے پسیاں ، ساریاں شہر درازکنوں
سچل سرمست

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

راتیں جاگیں کریں عبادت
راتیں جاگن کتے
تیتھوں اتے
بھونکنوں بندمول نہ ہوندے
جا رڑی تے ستے
تیتھوں اتے
کھسم اپنے دا درنہ چھڈدے
بھانویں وجن جتے
تیتھوں اتے
بلھے شاہ کوئی رخت وہاج لے
نہیں تے بازی لے گئے کتے
تیتھوں اتے
بلھے شاہ (رحمۃ اللہ علیہ)


والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

انتالی گنڈھاں کھولیاں سب سیاں رل کے
عنایت سیج تے آوسی ہن میں ول بھلکے
چوڑابانہیں سردھڑی ہتھ سوہے گنگنا
رنگن چڑھی شوہ وصل دی میں تن من رنگنا
بلھے شاہ (رحمۃ اللہ علیہ)

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

نہ خدامسیتے لبھدا، نہ خدا وچ کعبے
نہ خدا قرآن کتاباں، نہ خدا نمازے
نہ خدا میں تیرتھ ڈٹھا، اینویں پینڈے جھاگے
بلھاشوہ جد مرشد مل گیا، ٹٹے سبھ تگادے
بلھے شاہ(رحمۃ اللہ علیہ)
بشکریہ اپناآرگ


والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

"الف" سنجان جوسالک بیٹھے اوہے "بے تے"ڈہوں نہ ویندے
شرح ملا "ول" "کافیہ" کڈاں، عاشق نہیں پڑھیندے
غیرخیال ڈہوں کنڈ ڈیسن' حقا حق ستیندے
نعرہ مار انا الحق والاسچل سولی پکڑ چڑھیندے

سچل سرمت

بشکریہ اپناآرگ




والسلام
جاویداقبال

 

[طاہر]

میں کہیا جی تُسی آئے او تے چھائے او ۔۔۔۔۔۔۔

 

[جاویداقبال]

السلام علیکم ورحمۃ اللہ وبرکاتہ،

شکریہ طاہر بھراں،

کشتی واہ دریاء تے ویسی رکھ اپنی سگھ نہ کائی
ڈیکھن وچ ڈوں کندھیاں ڈھکن،ایہہ بھی نگہ اجائی
سمجھ سچل رکھ فکر ایہو ای، نہ پوسی سدھ سبھائی

بشکریہ اپنا آرگ

والسلام
جاویداقبال

 

[پاکستانی]

واہہہہ --- بہت خوب

 

[جاویداقبال]

السلام علیکم ورحمۃ اللہ وبرکاتہ،
سوہنایارخراماں آیا ناز غرورغمازکنوں
لک کھڑے شہبازتے شکرے چشماں دے پروازکنوں
دہشت جھل نہ سگی بازاں،چھپ کھڑے آوازکنوں
عشق دی آیت پڑھی عشاقاں حسن والے ابیاض کنوں
سچل کوں ایے سدھاں پیاں ساریاں شہر درازکنوں

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

پرسوں کافر تھی گیوں بت پوجا کیتی کل
اسیں جابیٹھے گھر اپنے اوتھے کرن نہ ملی آگل
غین غرورت ساڑسٹ، تے ہومے کھوہے پا
تن من دی سرت گوا دے گرآپ ملے گا آ
ہجرت وچ اسلام دے میرا نت ہے خاص آرام
نت نت مراں تے نت نت جیواں میرا نت نت کوچ مقام
عشق سجن دے آء کے سانوں کیتوس ڈوم
اوھ پربھ ساڈا سخی ہے میں سیوا کنوں شوم
عاشق ہو یوں رب دا ملامت ہوئی آ لاکھ
لوک کافر آکھدے توں آہو آہو آکھ
بلھے شاہ(رحمۃ اللہ علیہ)

بشکریہ اپناآرگ

والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،
مارومٹھل ول مکھڑا چھپایا
ڈکھڑیں ڈکھایادردیں مونجھایا
تانگھیں تپایامونجھیں مسایا
سولیں ستایانیہڑے ہرایا
آتن نہ بھاواں سینگیں روایا
دھوتیں داویڑھا ڈھولن پرایا
سنجڑی سسی نوں جبلیں رلایا
ہے ہئے پنل ول پھیرانہ پایا
پوریں پرائیں دلڑی نوں تایا
پیڑیں پرانی سکھڑاونجایا
خوشیاں دہانیاں سانول سدھایا
گل گیافریدا جوبن اجایا
خواجہ فرید(رحمۃ اللہ علیہ)

بشکریہ اپناآرگ

والسلام
جاویداقبال

 

[محمد کاشف مجید]

جاوید بھرا،
ماشاءاللہ ، تسی واقعی پنجابی فورم دی جان ہو، ایس کام نوں چھڈیا نہ جے۔ رب سوہنا تہانوں ہمت تے توفیق دیوے، تے تسی ایسی طرح پنجابی فورم دیاں رونقاں وداہندے رہو۔

رب راکھا