عابد بھائی،
جو باتیں آپ کر رہے ہو، مجھے بھی دکھا ئی دے رہی ہیں۔ اور مجھے آپکی تمام باتوں سے مکمل اتفاق ہے۔
ابھی کل ہی کی اخبار میں یہ خبر بھی ملی کہ مسلک اھلحدیث کے بھی کافی علماء نے ایسا ہی فتویٰ جاری کیا ہے۔
مگر ذرا غور سے دیکھئے، اس قومی یکجہتی، اتحاد و یگانگت وغیر ہ وغیرہ جیسے خوبصورت اور حوصلہ افزاء نعروں کا فائدہ کون اُٹھا رہا ہے؟ قوم کو ان نعروں پر لگا کر اپنے اپنے بنک اکاؤنٹ کون بھر رہا ہے؟ اس طرح کے نعرے لگا کر کون اپنی اپنی مفادات پورے کر رہا ہے؟
یہ لاشوں کی سیاست کی جا رہی ہے بھائی۔ اور یہ سب تماشے یہ لوگ صرف اپنی ذاتی مفادات کے لئے کر رہے ہیں (میرا اشارہ رحمان ملک اور دیگر حکومتی اتحادیوں کی طرف ہے)۔ غور سے دیکھیں، مر کون رہا ہے، عوام اور فوج۔ یہ حرام کھانے والے، رشوت خور ، جرائم کر کے معاف کروانے والے، ملک کو کھا جانے والے اور پتا نہیںکیا کیا جرائیم گنواؤں انکے، آج یکجہتی کی بات کرتے ہیں۔؟؟؟؟ جنہوںنے دشمنانِ پاکستان اور دشمنانِ اسلام سے دوستیاں بڑھا رکھی ہیں اور انکی خوشی کے لئے اپنے ہی ملک کا خون کرنے میں انکے مدد گار ہیں۔
کبھی دیکھا ہے کہ یہ خود کتنی عیاشیوں میں زندگی گزارتے ہیں؟ کتنی مہنگی سیکیورٹی اور گاڑیوںمیں گھومتے ہیں؟ بیرون ملک کے دوروں پر کتنے پیسے خرچ کرتے اور کس قسم کی عیاشی کرتے ہیں؟ اور عوام کو ٹیکسوں،مہنگائی ، بجلی، پانی، گیس، چینی اور دیگر سہولیات سے محروم کر رکھا ہے۔۔۔۔
کیا علماء اکرام ان جیسے لوگوں کی اپیلیں ماننے لگ گئے؟ کیا ان جیسے کرپٹ حکمرانوں کے پیچھے چلتے ہوئے آج فتوٰی جاری ہورہے ہیں جو پہلے ہی جاری شُدہ ہیں؟
کیا علماء اکرام اور خاص طور پر جناب طاہر القادری صاحب اور اھلحدیث علماء کو اس حکومت کے کالے کرتوت نظر نہیں آئے؟ ہونا تو یہ چاہئیے تھا، فتویٰ پہلے ایسے حکمرانوں کے کرتوتوں کے خلاف لگتا تو پتا چلتا کہ ظالم حکمرانوںکے سامنے کلمہ حق کہنا کیسے جہاد ہوتا ہے۔
ایسے حکمرانوں کے ساتھ یکجہتی اور اتحاد کرنا دراصل انہیں مزید سپورٹ کرنے کے برابر ہے۔
اور فتوٰی جاری کرنے کے کیا ہوتا ہے؟ صرف اپنی مارکیٹنگ!!!!!!!!!! ورنہ یہ باتیں لوگوں کو پہلے سے ہی پتا ہیں کہ یہ خود کش حملے اور بم دھماکے کون کروا رہا ہے؟ اگر طاہر القادری صاحب اور اھلحدیث علماء یہ فتویٰ نہ بھی جاری کرتے، تو بھی کوئی فرق نہیں پڑتا تھا۔کیونکہ ایسے فتوٰی جات پہلے سے ہی موجود ہیں اور یہ فتویٰ نہ تو کوئی تبدیلی لا سکتا ہے، اور نہ ہی موجودہ فتنوںکو روک سکتا ہے، سوائے اسکے کہ رحمان ملک صاحب کو خوش کر دیا اور ان سے خراج تحسین وصول کر لی گئی۔
معذرت کے ساتھ، علماء اکرام کا ایسے منافق اور کرپٹ حکمرانوںکی کال پر لبیک کہنے کا مطلب میرے نزدیک کوئی اچھا نہیں ہے۔ میرے نزدیک یہ صرف اور صرف ان حکمرانوں کو سپورٹ دینا اور موجودہ حالات کی بنیا د پر سیاست کرنا ہے۔ اور بس۔۔۔۔۔
ورنہ ان کے فتوے سے بہت پہلے ہی یہ ڈکلیئر ہو چُکا تھا کہ یہ کفر ہے۔ ہمارے ہاںاب یہ رواج عام ہے، کہ ایسے باتوں کے خلاف صحیح بات بھی اپنا خاص لیبل لگا کر لوگوں تک پہنچائی جاتی ہے۔۔۔۔۔۔۔
غور سے دیکھئے، کیا یہ لعنتیں اور عذاب ہم پر اس لئے نہیں پڑ رہا کہ ہم لوگوں ایسے کرپٹ لوگوں کی حکمرانی کو کئی اشکال میں سپورٹ دیتے ہیں؟
کیا ہم نے" نیکی کا حُکم کرنا اور برائی سے روکنا چھوڑ نہیں دیا؟"
کیا ہم نے قرآن کو ترک نہیں کر رکھا؟
کیا ہم نے کئی بہانوںسے اپنے گھروں میں فتنوں کو جگہ نہیں دے رکھی؟
کیا ہم نے اپنے مسلمان گھرانوں میں بت پرستوں اور شرک کرنے والوںکے کلچر کو نہیں گھسا رکھا؟
کیا ہمارے ہاں شراب ، زنا، جوا، اغوا، اور نہ جانے کیا کیا برائیاں پیدا نہیں ہوچُکی اور کیا ہم نے انہیں خود روکا یا چھوڑ دیا ہے؟
آپ جتنی مرضی نام نہاد یکجہتی کا مظاہرہ کر لیں، جتنا مرضی ان کرپٹ حکمرانوں کی اپیلوں پر لیبیک کہتے ہوئے فتوے جاری کریں اور انہیں خوش کر لیں۔ جتنا مرضی دنیا کو دکھائیں کہ ہم متحد ہیں اور ایسی دھشت گردی کے خلاف ہے،
جب تک اللہ کے دین کو نہیںپکڑتے اور نافذ نہیںکرتے اور ایسے کرپٹ حکمرانوں کو سزا نہیں دیتے۔ اور اپنے کرتوت ٹھیک نہیں کرتے۔اور امریکہ، برطانیہ اور دیگر دشمنان اسلام کی غلامی ترک نہیں کرتے۔عذاب اور لعنت اسوقت تک نہیں ٹلنے کی۔
وہ زمانے میں معزز تھے مسلماں ہوکر
اور تم خوار ہوئے تارک قرآن ہوکر۔
اور یہ ذلالت و خواری اسی لئے ہم سے چمٹا دی گئی ہے ، کہ ہم نے رحمتیںحاصل کرنے والے کاموں کی بجائے، لعنتیں حاصل کرنے والے کام شروع کر رکھے ہیں۔
اللہ تعالٰی ہمیںسیدھی راہ دکھائے، اور ہمیں اور علماء اکرام کو ایسے کرپٹ حکمرانوں کے خلاف جہاد کی ہمت دے ۔ آمین
خدا کا خوف کرو فرخ بھائی یہ کیا لایعنی اور بھونڈے اعتراضات کررہے ہو آپ کو ہزاروں بے گناہوں مردوں اور عورتوں اور معصوم مسلمان بچوں کا قتل ہوتا ہوا دکھائی نہیں دے رہا ؟؟؟؟؟؟؟ ہمارا ملک دہشت گردی کی آگ میں جل رہا ہے آئے دن سینکڑوں بے گناہوں کے خون کے ساتھ دہشت گرد ہولی کھیل رہے ہیں اور آپ ہیں کہ ہر بات میں ایک منفی طرز عمل اپنا کر اسکو گھٹیا سیاست کی بھینٹ چڑھاتے چلے جارہے ہیں ارے یار لعنت بھیجو سیاست پر اور تمام سیاسی جماعتوں پر اور خدارا ہوش کے ناخن لو کتنا ظلم ہو رہا ہے ہماری قوم کے ساتھ چاہے جس کسی کا بھی اس کے پیچھے ہاتھ ہو مگر ملوث اس میں ہم ہی لوگ ہیں ہمارے ہی لوگ ان بیرونی عناصر کے آلہ کار بنے ہوئے ہیں مگر آپ کو سوائے ایم کیو ایم اور طاہر القادری اور موجودہ حکومت کے تعصب کے اور کچھ دکھائی ہی نہیں دے رہا ؟؟؟ ہر بات کو تروڑ مروڑ کے گندی سیاست کی طرف لے جارہے ہیں آپ ؟؟؟؟؟'
مجھے بھی ایم کیو ایم سے اختلافات ہیں مجھے بھی طاہر القادری سے اختلافات ہیں اور ہم سب کو ہی موجودہ حکومت سے بھی اختلافات ہیں مگر اس کا یہ مطلب تو نہیں کہ کوئی اگر کوئی صحیح قدم بھی اٹھائے تو اس کی فقط اس بنیاد پر نفی کردی جائے کہ ہمیں اس سےاختلاف ہے ۔ ۔ ۔
ملک دہشت گردی کی آگ میں جل رہا ہے ایسے میں حکومت وقت کی ذمہ داری ہے کہ وہ اس دہشت گردی کے خاتمے کے لیے ہر سطح پر ہر ممکن اقدامات اٹھائے اور ایسے میں مشیر داخلہ ہونے کی حیثیت سے رحمان ملک کی یہ ڈیوٹی ہے کہ وہ بھی اس دہشت گردی کے خاتمہ کے لیے اقدام اٹھائے اور ایسے میں اگر اس نے اپنی ڈیوٹی نبھاتے ہوئے علمائے کرام سے اس فتنہ کی سرکوبی کے لیے مشترکہ فتوٰی کی گزارش کی ہے تو اس میں کیا قباحت آگئی ؟؟؟؟ اصل مسئلہ اس دہشت گردی کا قلع قمع کرنے کے لیے علماء کا کردار ادا کرنا یا رحمان ملک کا اس کے لیے اپیل کرنا؟؟؟؟؟ اور یہ کردار تو علماء کو پہلے بھی اور اب بھی ادا کرنا چاہیے تھا بلکہ اب تو بہت ہی ضروری ہوگیا ہے اور اگر ایسے میں اگر چند علماء نے رحمان ملک کی اپیل پر لبیک کہا ہے تو اپنا فرض پورا کیا ہے نہ کسی حکومت کی چاپلوسی ؟؟؟؟؟؟؟رحمان ملک نے اپنی ڈیوٹی اد اکی کہ علماء سے اپیل کی اور علماء نے اپنا فرض نبھایا کہ ان دہشت گردانہ اقدامات کے خلاف مشترکہ اعلامیہ جاری کیا ۔ ۔ ۔
اس وقت پوری قوم کو یکجہتی کی ضرورت ہے مگر ہم ہیں کہ اپنے اپنے تعصبات میں ہی گھرے ہوئے ہیں یااللہ پاک ہم سب کو ہدایت دے اور ہمارے سروں سے اس عذاب کو معطل کردے آمین
