رات، رتیاں، رین اور شب کے الفاظ پر مبنی اردو اشعار

[جاسمن]

آسمانوں سے زمینوں پہ جواب آئے گا
ایک دن رات ڈھلے یوم حساب آئے گا
نجیب احمد

 

[جاسمن]

اگر چلتے چلے جائیں گے یوں ہی چاند کے پیچھے
تو پھر یہ رات گزرے گی، نہ گھرجائیںگے ہم دونوں
سردار سلیم

 

[جاسمن]

جب رات کے پردے سے پھر رات نکل آئے
اُس وقت کدھر ہو گا،جو اہلِ نظر ہوگا؟

 

[مومن فرحین]

رات جب جمع تھے دکھ دل میں زمانے بھر کے
آنکھ جھپکا کے غم یار نے خلوت چاہی

 

[عرفان احمد]

بن ترے کوئی شب کہاں گزری
تو نہ آیا تو تیرے خواب آئے
نظرؔ لکھنوی

واہ جی آہ

 

[مومن فرحین]

شب کی تنہائی میں اب تو اکثر
گفتگو تجھ سے رہا کرتی ہے
ہم نے دیکھی ہے وہ اجلی ساعت
رات جب شعر کہا کرتی ہے

پروین

 

[مومن فرحین]

۔

 

[مومن فرحین]

۔

 

[سیما علی]

 

[سیما علی]

کیسے اُڑتے ہوئے لمحوں کا تعاقب کیجیے
دوستو! اب تو یہی فکر ہے دن رات ہمیں
شیکب جلالی

 

[سیما علی]

وقت سے کیا گلہ کروں یاؔور
دن ہے باہر، تو رات کمرے میں
یاور ماجد

 

[جاسمن]

کون نکلے گھر سے باہر رات میں
سو گئے ہم اپنے اندر رات میں

پھر سے ملنے آ گئیں تنہائیاں
کیوں نہیں کھلتے ہیں دفتر رات میں

ہم جٹا لیتے ہیں بستر تو مگر
روز کم پڑتی ہے چادر رات میں

روز ہی وہ ایک لڑکی صبح سی
جاتی ہے ہم کو جگا کر رات میں

خواب دیکھا ہے اسی کا رات بھر
سوئے تھے جس کو بھلا کر رات میں

زندگی بھر کی کمائی ایک رات
جو ملی خود کو گنوا کر رات میں

سانپ دو آتے ہیں ہم کو کاٹنے
اس کی یادیں اور یہ گھر رات میں
وکرم شرما