رات کے منہ پر اجالا چاہیئے

[عبد الرحمٰن]

رات کے منہ پر اجالا چاہیے
چور کے گھر میں بھی تالا چاہیے

غم بہت دن مفت کی کھاتا رہا
اب اسے دل سے نکالا چاہیے

پاؤں میں جوتی نہ ہو تو کچھ نہیں
ہاں مگر ایک آدھ چھالا چاہیے

ہاتھ پھیلانے سے کچھ ملتا نہیں
بھیک لینے کو پیالہ چاہیے

یاد ان کی یوں نہ جائے گی، اسے
کچھ بہانا کر کے ٹالا چاہیے

شاعری مانگے ہے پورا آدمی
اب اسے بھی مونچھ والا چاہیے

محمد علوی​

 

[ام اویس]

یعنی جب تک مونچھ نہ ہو شاعری پر ہاتھ نہ ڈالا جائے ۔۔۔ یہ تو غضب ہے

 

[عبد الرحمٰن]

یعنی جب تک مونچھ نہ ہو شاعری پر ہاتھ نہ ڈالا جائے ۔۔۔ یہ تو غضب ہے

نہیں نہیں تسی ہاتھ چھوڑ کر ٹانگ بھی ڈال لیں بس قافیہ ردیف وزن کا خیال رکھیں

 

[ام اویس]

جی ٹانگ کے ساتھ پاؤں بھی گھما کر نہ لگا دوں ۔۔۔ کیا خیال ہے