ساغر صدیقی راہزن آدمی راہمنا آدمی - ساغر صدیقی

[کاشفی]

راہزن آدمی راہنما آدمی
با رہا بن چکا ہے خدا آدمی

ہائے تخلیق کی کار پردازیاں
خاک سی چیز کو کہہ دیا آدمی

کھل گئے جنتوں کے وہاں زائچے
دو قدم جھوم کر جب چلا آدمی

زندگی خانقاہ شہود و بقا
اور لوح مزار فنا آدمی

صبحدم چاند کی رخصتی کا سماں
جس طرح بحر میں‌ ڈوبتا آدمی

کچھ فرشتوں کی تقدیس کے واسطے
سہہ گیا آدمی کی جفا آدمی

گونجتی ہی رہے گی فلک در فلک
ہے مشیت کی ایسی صدا آدمی

اس کی مورتیں پوجتے پوجتے
ایک تصویر سی بن گیا آدمی
(ساغر صدیقی)

بشکریہ: علیگڑھ اردو کلب
یونیکوڈ ٹائپنگ اردو محفل کے لئے: کاشفی​

 

[الف عین]

جیو بیٹا کاشفی۔۔ حوالہ دینے کے لئے۔۔
مطلع میں املا کی غلطی ہے، راہنما ہونا چاہئے۔

 

[کاشفی]

جیو بیٹا کاشفی۔۔ حوالہ دینے کے لئے۔۔
مطلع میں املا کی غلطی ہے، راہنما ہونا چاہئے۔

بیحد شکریہ بابا جانی۔۔۔

 

[شاہ حسین]

بہت شکریہ جناب کاشفی صاحب ۔
اچھا انتخاب ہے

 

[محمد وارث]

بہت شکریہ کاشفی صاحب خوبصورت غزل پوسٹ کرنے کیلیے!

 

[دل پاکستانی]

جیو بیٹا کاشفی۔۔ حوالہ دینے کے لئے۔۔
مطلع میں املا کی غلطی ہے، راہنما ہونا چاہئے۔

اور عنوان میں بھی راہنما ہونا چاہئے۔ راہمنا نہیں۔

 

[دل پاکستانی]

بہت شکریہ کاشفی صاحب خوبصورت غزل پوسٹ کرنے کیلیے۔

 

[کاشفی]

شاہ صاحب۔۔

محمد وارث صاحب۔۔

دل پاکستانی صاحب۔۔

آپ تینوں کا بیحد شکریہ۔۔