راہِ طلب میں کیا عجب دولت ملی ...

[La Alma]

راہِ طلب میں کیا عجب دولت ملی
اس جستجو کو آپؐ کی سنّت ملی

اُمّ الکتاب اتری رسولِِ پاکؐ پر
فیضانِ احمؐد کے سبب حکمت ملی

جتنا جھکی طاعت نبؐی کے واسطے
اتنی جبینِ ناز کورفعت ملی

قلب و نظر جب حق کے تابع ہو گئے
امّت کو اپنی گمشدہ عظمت ملی

کہلاتے ہیں وہ رحمت الّلعالمیں
بن مانگے در سے آپؐ کے رحمت ملی

صد شکر ہے سوئے مدینہ ہم چلے
کوئے محمؐد سے کوئی نسبت ملی

ذکرِ نبؐی لب پر مرے ہر دم رہا
مدحِ پیمبرؐ کے عوض جنّت ملی
​

 

[فیضان قیصر]

سبحان اللہ۔بہت خوب

 

[خالد محمود چوہدری]

 

[La Alma]

سبحان اللہ۔بہت خوب

بہت شکریہ .

 

[La Alma]

پسندیدگی کے لیے شکر گزار ہوں .

 

[پراچہ]

ماشاءاللہ
ہہت ہی عمدہ

 

[سید لبید غزنوی]

ما شاء اللہ کیا خوب کلام ہے ۔۔۔زبردست ۔۔۔اللہ مدحت پیمبرﷺ اور محبت پیمبر ﷺ کو ہمارے لیے نجات کا ذریعہ بنا دے آمین۔

 

[الف عین]

اس کے ارکان سمجھنے سے قاصر ہوں۔ معذرت

 

[سید عاطف علی]

اس کے ارکان سمجھنے سے قاصر ہوں۔ معذرت

کوئی غیر معروف بحر منتخب کی ہے شاید۔
فعلن مفاعیلن فعولن فاعلن۔پر تقطیع ہو رہے ہیں ۔

 

[La Alma]

ماشاءاللہ
ہہت ہی عمدہ

شکر گزار ہوں .

 

[La Alma]

ما شاء اللہ کیا خوب کلام ہے ۔۔۔زبردست ۔۔۔اللہ مدحت پیمبرﷺ اور محبت پیمبر ﷺ کو ہمارے لیے نجات کا ذریعہ بنا دے آمین۔

پسندیدگی کا شکریہ . جزاک اللہ

 

[La Alma]

اس کے ارکان سمجھنے سے قاصر ہوں۔ معذرت

کوئی غیر معروف بحر منتخب کی ہے شاید۔
فعلن مفاعیلن فعولن فاعلن۔پر تقطیع ہو رہے ہیں ۔

رجز مسدس سالم
مستفعلن مستفعلن مستفعلن

 

[سید عاطف علی]

مستفعلن مستفعلن مستفعلن

یہ بحر بہت کثرت سے مستعمل نہیں رہی ۔اگر چہ یقینا درست ہے۔اور نعت بھی بہت اچھی کہی ہے۔

اس جستجو کو آپؐ کی سنّت ملی

یہاں جستجو کو سنت ملنا کچھ محاورے کے اسلوب سے ہٹ کر کہا گیا ہے (نہ جانے کیوں )۔۔۔۔جستجو کرنے والے کوجستجو "سے" سنت ملنے کا معنی ہونا چاہیئے۔

جتنا جھکی طاعت نبؐی کے واسطے

طاعت نبی کی ترکیب بغیر اضافت کے ذرا ناہمواری کا احساس پیدا کر رہی ہے۔ اس کی ترتیب و نشست کچھ بہتر ہونی چاہیئے۔

 

[الف عین]

یہ بحر بہت کثرت سے مستعمل نہیں رہی ۔اگر چہ یقینا درست ہے۔اور نعت بھی بہت اچھی کہی ہے۔

یہاں جستجو کو سنت ملنا کچھ محاورے کے اسلوب سے ہٹ کر کہا گیا ہے (نہ جانے کیوں )۔۔۔۔جستجو کرنے والے کوجستجو "سے" سنت ملنے کا معنی ہونا چاہیئے۔

طاعت نبی کی ترکیب بغیر اضافت کے ذرا ناہمواری کا احساس پیدا کر رہی ہے۔ اس کی ترتیب و نشست کچھ بہتر ہونی چاہیئے۔

متفق۔ لیکن جبین ناز کیوں؟

 

[La Alma]

یہ بحر بہت کثرت سے مستعمل نہیں رہی ۔اگر چہ یقینا درست ہے۔اور نعت بھی بہت اچھی کہی ہے۔

یہاں جستجو کو سنت ملنا کچھ محاورے کے اسلوب سے ہٹ کر کہا گیا ہے (نہ جانے کیوں )۔۔۔۔جستجو کرنے والے کوجستجو "سے" سنت ملنے کا معنی ہونا چاہیئے۔

طاعت نبی کی ترکیب بغیر اضافت کے ذرا ناہمواری کا احساس پیدا کر رہی ہے۔ اس کی ترتیب و نشست کچھ بہتر ہونی چاہیئے۔

نشان دہی کے لیے ممنون ہوں . جزاک اللہ .

 

[La Alma]

متفق۔ لیکن جبین ناز کیوں؟

اس عاجزی پہ فخر کیوں نہ ہو ...