حسان خان
لائبریرین
روزِ اول سے ہیں کیا کیا رتبہ دانِ کربلا
ہے زبانِ کلکِ قدرت پر بیانِ کربلا
ہے رقم زینت کو نامِ میہمانِ کربلا
عرش کو اللہ نے بخشی ہے شانِ کربلا
تو ہے اے رضوان حاسد اور میں محسود ہوں
تو میانِ خلد ہے، میں ہوں میانِ کربلا
یوسفِ مصری بھلا کیا اور کیا ان کی زباں
بند کر دیتی ہے لب شیریں زبانِ کربلا
کرسی و عرشِ بریں کو ہے بس اتنا مرتبہ
یہ زمینِ کربلا، وہ آسمانِ کربلا
دل کے ہو جاتے ہیں ٹکڑے سنتے ہی نامِ حُسین
چار حرفوں میں ہے ساری داستانِ کربلا
سوئے پستی کب نظر کرتے ہیں عالی منزلت
بامِ گردوں پر نہ بیٹھیں طائرانِ کربلا
نارِ دوزخ کو بنا دے رشکِ گلزارِ ارم
ایک جھونکے میں ہوائے بوستانِ کربلا
گنبدِ انور سے اتنا پست ہے باغِ ارم
سر جھکا کر دیکھتے ہیں طائرانِ کربلا
مثلِ روح اللہ میں جس وقت لوٹے خاک میں
پتلے ہیں خاکِ شفا کے طائرانِ کربلا
مثلِ فطرس قدسیوں کے بال و پر بیکار ہوں
گر اڑیں مل کر میانِ طائرانِ کربلا
اشکِ زہرا و علی و مصطفیٰ و مجتبیٰ
خوب شبنم ہے میانِ بوستانِ کربلا
شہرۂ آفاق ہے قبرِ علمدارِ حُسین
کیا مٹائے گا کوئی نامِ و نشانِ کربلا
ہو بہارِ حسن اگر سونے کے پتوں کی طرح
زیبِ گوشِ حور ہوں برگِ خزانِ کربلا
پیشوائی کے لیے دوڑے بہارِ باغِ خلد
سیرِ جنت کو اگر جائے خزانِ کربلا
پھول جنت کے لگا کر کان سنتے ہیں صدا
بولتے ہیں جب یہاں برگِ خزانِ کربلا
طائرِ قدسی جو ڈھونڈیں آ کے جائے آشیاں
اپنے پنجوں میں جگہ دیں طائرانِ کربلا
مول لے کر چھوڑ دے بلقیس کو یاں کی صبا
چھیں لیں تاجِ سلیماں طائرانِ کربلا
حسن میں کیونکر بھلا ہوتا نہ یوسف کو کمال
جزوِ اعظم تھا غبارِ کاروانِ کربلا
گشتِ صحرا ہے ترے فاقوں کا صدقہ یا حُسین
فیض تیری پیاس کا آبِ روانِ کربلا
اہلِ کعبہ کربلا والوں سے کیا آنکھیں ملائیں
وہ غزالانِ حرم، یہ آہوانِ کربلا
ضیغمِ شیرِ خدا نے اس قدر بخشا ہے زور
توڑ ڈالیں پنجۂ شیر آہوانِ کربلا
یاں کے حیوانوں کی نظروں میں ہے جنت کی بہار
نرگسِ فردوس چشمِ آہوانِ کربلا
ضد ہے یہ آفاق میں کوئی نہ لے کوثر کا نام
کیوں نہ لوٹے خاک پر آبِ روانِ کربلا
ڈوبنے دیتی نہیں دریائے عصیاں میں فرات
نوح کی کشتی ہوا آبِ روانِ کربلا
صحنِ اقدس میں تنِ خاکی مرا مدفوں ہوا
کس جگہ بیٹھی ہے گردِ کاروانِ کربلا
حضرتِ یعقوب کی آنکھوں کو بخشے روشنی
نورِ ماہِ مصر گردِ کاروانِ کربلا
حشر میں ہو گا مرے طوق و سلاسل کا یہ غل
کس طرف ہو آؤ اے محنت کشانِ کربلا
اے فلک تیرے اٹھائے سے نہ اٹھیں گے کبھی
قطب ہے ہر نقشِ پائے ساکنانِ کربلا
پھول کے دھوکے میں رضواں نے بڑھایا دستِ شوق
دیکھتے ہی نقشِ پائے گل رخانِ کربلا
چھٹ کے قالب سے یہاں روحیں کہیں جاتی نہیں
ہے مگر جسمِ مثالی ہر مکانِ کربلا
جلوہ گر ہے دل میں وہ جو نور ہے اللہ کا
حاملِ عرشِ بریں ہیں ساکنانِ کربلا
کیا صفائی کیا لطافت ہے یہاں کی خاک میں
روح کا قالب ہے گویا ہر مکانِ کربلا
خاکسارانِ درِ سرور ہیں عالی منزلت
لوٹتے ہیں عرش پر افتادگانِ کربلا
یوں کرے سرسبز خالق سب کو باغِ دہر میں
چومتے ہیں خضر پائے رہروانِ کربلا
ٹھوکریں کھاتے ہیں گردوں جب اٹھاتے ہیں قدم
آسماں کو روندتے ہیں ساکنانِ کربلا
شہدِ جنت سب کہیں ایسا مزا پیدا کرے
نام اگر لیں زہر کا شیریں زبانِ کربلا
آستانِ شاہ پر کہتا ہے آ کر آفتاب
راہ طے کرتے ہیں سر سے رتبہ دانِ کربلا
یاں کے باشندوں کے دل سے دی ہے اپنے کو مثال
ہے مگر عرشِ بریں کچھ رتبہ دانِ کربلا
کہتی ہیں جنت کی نہریں بھر کے آنسو آنکھ میں
یوں بسر کرتے ہیں دور افتادگانِ کربلا
مرغِ سدرہ دے نشیمن کو اگر اپنی جگہ
ننگ سمجھیں طائرِ بے آشیانِ کربلا
قبۂ انور کی صورت عاصیوں کی حفظ کر
سیکھ اے گردوں طریقِ آسمانِ کربلا
تحتِ قبہ ہوں ترا شاکی خبردار اے فلک
میں دعا کرتا ہوں زیرِ آسمانِ کربلا
چہرۂ پُرنور پر افشاں چنے ہر ایک حور
وام لے کر ذرہ ہائے دُر فشانِ کربلا
ہے زمینِ کربلا اتنی بلند اے آسماں
تیرے تارے توڑ لیں افتادگانِ کربلا
اس ہوس میں اے تعشق چھانتا ہوں خاک میں
کفش کن میں ہو مرا مدفن میانِ کربلا
(تعشق لکھنوی)
ہے زبانِ کلکِ قدرت پر بیانِ کربلا
ہے رقم زینت کو نامِ میہمانِ کربلا
عرش کو اللہ نے بخشی ہے شانِ کربلا
تو ہے اے رضوان حاسد اور میں محسود ہوں
تو میانِ خلد ہے، میں ہوں میانِ کربلا
یوسفِ مصری بھلا کیا اور کیا ان کی زباں
بند کر دیتی ہے لب شیریں زبانِ کربلا
کرسی و عرشِ بریں کو ہے بس اتنا مرتبہ
یہ زمینِ کربلا، وہ آسمانِ کربلا
دل کے ہو جاتے ہیں ٹکڑے سنتے ہی نامِ حُسین
چار حرفوں میں ہے ساری داستانِ کربلا
سوئے پستی کب نظر کرتے ہیں عالی منزلت
بامِ گردوں پر نہ بیٹھیں طائرانِ کربلا
نارِ دوزخ کو بنا دے رشکِ گلزارِ ارم
ایک جھونکے میں ہوائے بوستانِ کربلا
گنبدِ انور سے اتنا پست ہے باغِ ارم
سر جھکا کر دیکھتے ہیں طائرانِ کربلا
مثلِ روح اللہ میں جس وقت لوٹے خاک میں
پتلے ہیں خاکِ شفا کے طائرانِ کربلا
مثلِ فطرس قدسیوں کے بال و پر بیکار ہوں
گر اڑیں مل کر میانِ طائرانِ کربلا
اشکِ زہرا و علی و مصطفیٰ و مجتبیٰ
خوب شبنم ہے میانِ بوستانِ کربلا
شہرۂ آفاق ہے قبرِ علمدارِ حُسین
کیا مٹائے گا کوئی نامِ و نشانِ کربلا
ہو بہارِ حسن اگر سونے کے پتوں کی طرح
زیبِ گوشِ حور ہوں برگِ خزانِ کربلا
پیشوائی کے لیے دوڑے بہارِ باغِ خلد
سیرِ جنت کو اگر جائے خزانِ کربلا
پھول جنت کے لگا کر کان سنتے ہیں صدا
بولتے ہیں جب یہاں برگِ خزانِ کربلا
طائرِ قدسی جو ڈھونڈیں آ کے جائے آشیاں
اپنے پنجوں میں جگہ دیں طائرانِ کربلا
مول لے کر چھوڑ دے بلقیس کو یاں کی صبا
چھیں لیں تاجِ سلیماں طائرانِ کربلا
حسن میں کیونکر بھلا ہوتا نہ یوسف کو کمال
جزوِ اعظم تھا غبارِ کاروانِ کربلا
گشتِ صحرا ہے ترے فاقوں کا صدقہ یا حُسین
فیض تیری پیاس کا آبِ روانِ کربلا
اہلِ کعبہ کربلا والوں سے کیا آنکھیں ملائیں
وہ غزالانِ حرم، یہ آہوانِ کربلا
ضیغمِ شیرِ خدا نے اس قدر بخشا ہے زور
توڑ ڈالیں پنجۂ شیر آہوانِ کربلا
یاں کے حیوانوں کی نظروں میں ہے جنت کی بہار
نرگسِ فردوس چشمِ آہوانِ کربلا
ضد ہے یہ آفاق میں کوئی نہ لے کوثر کا نام
کیوں نہ لوٹے خاک پر آبِ روانِ کربلا
ڈوبنے دیتی نہیں دریائے عصیاں میں فرات
نوح کی کشتی ہوا آبِ روانِ کربلا
صحنِ اقدس میں تنِ خاکی مرا مدفوں ہوا
کس جگہ بیٹھی ہے گردِ کاروانِ کربلا
حضرتِ یعقوب کی آنکھوں کو بخشے روشنی
نورِ ماہِ مصر گردِ کاروانِ کربلا
حشر میں ہو گا مرے طوق و سلاسل کا یہ غل
کس طرف ہو آؤ اے محنت کشانِ کربلا
اے فلک تیرے اٹھائے سے نہ اٹھیں گے کبھی
قطب ہے ہر نقشِ پائے ساکنانِ کربلا
پھول کے دھوکے میں رضواں نے بڑھایا دستِ شوق
دیکھتے ہی نقشِ پائے گل رخانِ کربلا
چھٹ کے قالب سے یہاں روحیں کہیں جاتی نہیں
ہے مگر جسمِ مثالی ہر مکانِ کربلا
جلوہ گر ہے دل میں وہ جو نور ہے اللہ کا
حاملِ عرشِ بریں ہیں ساکنانِ کربلا
کیا صفائی کیا لطافت ہے یہاں کی خاک میں
روح کا قالب ہے گویا ہر مکانِ کربلا
خاکسارانِ درِ سرور ہیں عالی منزلت
لوٹتے ہیں عرش پر افتادگانِ کربلا
یوں کرے سرسبز خالق سب کو باغِ دہر میں
چومتے ہیں خضر پائے رہروانِ کربلا
ٹھوکریں کھاتے ہیں گردوں جب اٹھاتے ہیں قدم
آسماں کو روندتے ہیں ساکنانِ کربلا
شہدِ جنت سب کہیں ایسا مزا پیدا کرے
نام اگر لیں زہر کا شیریں زبانِ کربلا
آستانِ شاہ پر کہتا ہے آ کر آفتاب
راہ طے کرتے ہیں سر سے رتبہ دانِ کربلا
یاں کے باشندوں کے دل سے دی ہے اپنے کو مثال
ہے مگر عرشِ بریں کچھ رتبہ دانِ کربلا
کہتی ہیں جنت کی نہریں بھر کے آنسو آنکھ میں
یوں بسر کرتے ہیں دور افتادگانِ کربلا
مرغِ سدرہ دے نشیمن کو اگر اپنی جگہ
ننگ سمجھیں طائرِ بے آشیانِ کربلا
قبۂ انور کی صورت عاصیوں کی حفظ کر
سیکھ اے گردوں طریقِ آسمانِ کربلا
تحتِ قبہ ہوں ترا شاکی خبردار اے فلک
میں دعا کرتا ہوں زیرِ آسمانِ کربلا
چہرۂ پُرنور پر افشاں چنے ہر ایک حور
وام لے کر ذرہ ہائے دُر فشانِ کربلا
ہے زمینِ کربلا اتنی بلند اے آسماں
تیرے تارے توڑ لیں افتادگانِ کربلا
اس ہوس میں اے تعشق چھانتا ہوں خاک میں
کفش کن میں ہو مرا مدفن میانِ کربلا
(تعشق لکھنوی)
