بشیر بدر ریت بھری ہے ان آنکھوں میں تم اشکوں سے دھو لینا - بشیر بدر

[محمداحمد]

غزل

ریت بھری ہے ان آنکھوں میں تم اشکوں سے دھو لینا
کوئی سوکھا پیڑ ملے تو اُس سے لپٹ کے رو لینا

اُس کے بعد بھی تم تنہا ہو، جیسے جنگل کا رستہ
جو بھی تم سے پیار سے بولے ساتھ اُسی کے ہو لینا

کچھ تو ریت کی پیاس بجھائو جنم جنم سے پیاسی ہے
ساحل پر چلنے سے پہلے اپنے پائوں بھگو لینا

ہم نے دریا سے سیکھی ہے پانی کی پردہ داری
اوپر اوپر ہنستے رہنا، گہرائی میں رو لینا

روتے کیوں ہو دل والوں کی قسمت ایسی ہوتی ہے
ساری رات یوں ہی جاگو گے دن نکلے تو سو لینا


بشیر بدر​

 

[خرم شہزاد خرم]

بہت خوب کیا بات ہے اچھی غزل ہے

 

[سارہ خان]

بہت خوب ۔۔

 

[فاتح]

غزل

کچھ تو ریت کی پیاس بجھائو جنم جنم سے پیاسی ہے
ساحل پر چلنے سے پہلے اپنے پائوں بھگو لینا

ہم نے دریا سے سیکھی ہے پانی کی پردہ داری
اوپر اوپر ہنستے رہنا، گہرائی میں رو لینا

بشیر بدر​

بہت شکریہ جانب۔ درج بالا دو اشعار عرصہ دراز سے میرے پسندیدہ اشعار میں شامل ہیں۔

 

[ہما]

ہم نے دریا سے سیکھی ہے پانی کی پردہ داری
اوپر اوپر ہنستے رہنا، گہرائی میں رو لینا

بُہت خوبصورت کلام ۔۔شئیر کیا آپ نے ۔۔۔شکریہ

 

[محمد وارث]

شکریہ احمد صاحب بشیر بدر کی خوبصورت غزل شیئر کرنے کیلیئے

 

[اسلم]

بہت خوب اچھی غزل ہے

 

[محمداحمد]

ہما صاحبہ , اسلم صاحب, خرم صاحب, سارہ خان صاحبہ , فاتح صاحب, محسن حجازی صاحب, محمد وارث صاحب, ملائکہ صاحبہ اور ڈاکٹر عباس صاحب

بہت شکریہ آپ سب کی حوصلہ افزائی کا!

 

[امیداورمحبت]

غزل



اُس کے بعد بھی بہت تنہا ہو جیسے جنگل کا رستہ
جو بھی تم سے پیار سے بولے ساتھ اُسی کے ہو لینا

کچھ تو ریت کی پیاس بجھائو جنم جنم سے پیاسی ہے
ساحل پر چلنے سے پہلے اپنے پاؤں بھگو لینا

میں نے دریا سے سیکھی ہے پانی کی پردہ داری
اوپر اوپر ہنستے رہنا، گہرائی میں رو لینا


بشیر بدر​

بہت ہی اچھی غزل ہے ۔ ۔کچھ الفاظ کی اصلاح میں نے کردی ہے

 

[محمداحمد]

بہت ہی اچھی غزل ہے ۔ ۔کچھ الفاظ کی اصلاح میں نے کردی ہے

پسندیدگی کا شکریہ!

باقی اشعار کا تو میں بھی وثوق سے نہیں کہہ سکتا کیوں کہ میرے پاس بھی کوئی مستند نسخہ موجود نہیں ہے لیکن پہلے شعر میں لفظ "بہت" کے استعمال سے مصرعہ خارج از بحر ہو جاتا ہے ۔ اسے دیکھ لیجے گا۔