سیما علی
لائبریرین
ریت سے بُت نہ بنا اے مرے اچھے فنکار
ایک لمحے کو ٹھہر میں تجھے پتّھر لا دوں
میں ترے سامنے انبار لگا دوں لیکن
کون سے رنگ کا پتّھر ترے کام آئے گا؟
سرخ پتّھر جسے دل کہتی ہے دنیا
یا وہ پتّھرائی ہوئی آنکھ کا نیلا پتّھر
جس میں صدیوں کے تحیّر کے پڑے ہوں ڈورے
کیا تجھے روح کے پتّھر کی ضرورت ہو گی؟
جس پہ حق بات بھی پتّھر کی طرح گرتی ہے
اِک وہ پتّھر ہے جسے کہتے ہیں تہذیبِ سفید
اس کے مَرمَر میں سیہ خون جھلک جاتا ہے
ایک انصاف کا پتّھر بھی تو ہوتا ہے مگر
ہاتھ میں تیشۂ زر ہو تو وہ ہاتھ آتا ہے
جتنے معیار ہیں اس دور کے سب پتّھر ہیں
جتنے افکار ہیں اس دور کے سب پتّھر ہیں
شعر بھی رقص بھی تصویر و غنا بھی پتّھر
میرا الہام، ترا ذہنِ رَسا بھی پتّھر
اس زمانے میں تو ہر فن کا نشاں پتّھر ہے
ہاتھ پتّھر ہیں ترے ۔۔۔۔ مری زباں پتّھر ہے
ریت سے بُت نہ بنا اے مرے اچھے فنکار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک لمحے کو ٹھہر میں تجھے پتّھر لا دوں
میں ترے سامنے انبار لگا دوں لیکن
کون سے رنگ کا پتّھر ترے کام آئے گا؟
سرخ پتّھر جسے دل کہتی ہے دنیا
یا وہ پتّھرائی ہوئی آنکھ کا نیلا پتّھر
جس میں صدیوں کے تحیّر کے پڑے ہوں ڈورے
کیا تجھے روح کے پتّھر کی ضرورت ہو گی؟
جس پہ حق بات بھی پتّھر کی طرح گرتی ہے
اِک وہ پتّھر ہے جسے کہتے ہیں تہذیبِ سفید
اس کے مَرمَر میں سیہ خون جھلک جاتا ہے
ایک انصاف کا پتّھر بھی تو ہوتا ہے مگر
ہاتھ میں تیشۂ زر ہو تو وہ ہاتھ آتا ہے
جتنے معیار ہیں اس دور کے سب پتّھر ہیں
جتنے افکار ہیں اس دور کے سب پتّھر ہیں
شعر بھی رقص بھی تصویر و غنا بھی پتّھر
میرا الہام، ترا ذہنِ رَسا بھی پتّھر
اس زمانے میں تو ہر فن کا نشاں پتّھر ہے
ہاتھ پتّھر ہیں ترے ۔۔۔۔ مری زباں پتّھر ہے
ریت سے بُت نہ بنا اے مرے اچھے فنکار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آخری تدوین:
