ریشم بُننا کھیل نہیں (علی اکبر ناطق)

[غدیر زھرا]

ہم دھرتی کے پہلے کیڑے ہم دھرتی کا پہلا ماس​

دل کے لہو سے سانس ملا کی سُچا نور بناتے ہیں​

اپنا آپ ہی کھاتے ہیں اور ریشم بُنتے جاتے ہیں​

خواب نگر کی خاموشی اور تنہائی میں پلتے ہیں​

صاف مصفّا اُجلا ریشم تاریکی میں بُنتے ہیں​

کس نے سمجھا کیسے بُنے ہیں چاندی کی کرنوں کے تار​

کُنجِ جگر سے کھینچ کے لاتے ہیں ہم نُور کے ذرّوں کو​

شرماتے ہیں دیکھ کے جن کو نیل گگن کے تارے بھی​

ہم کو خبر ہے ان کاموں میں جاں کا زیاں ہو جاتا ہے​

لیکن فطرت کی مجبوری ہم ریشم کے کیڑوں کی​

سُچا ریشم بُنتے ہیں اور تار لپٹتے جاتے ہیں​

آخر گُھٹ کے مر جاتے ہیں ریشم کی دیواروں میں​

کوئی ریشم بُن کے دیکھے ریشم بُننا کھیل نہیں​

​

(علی اکبر ناطق)​

 

[سید شہزاد ناصر]

بہت خوبصورت نظم
شریک محفل کرنے کا شکریہ
شاد و آباد رہیں

 

[غدیر زھرا]

بہت خوبصورت نظم
شریک محفل کرنے کا شکریہ
شاد و آباد رہیں

شکریہ سر

 

[نایاب]

واہہہہہہہہہہہہہ کیا خوب نظم ہے ۔۔۔۔۔۔۔۔۔
بہت دعائیں غدیر بہنا شراکت پر

 

[غدیر زھرا]

واہہہہہہہہہہہہہ کیا خوب نظم ہے ۔۔۔ ۔۔۔ ۔۔۔
بہت دعائیں غدیر بہنا شراکت پر

بہت شکریہ بھیا

 

[الف عین]

بہت خوب۔ سُچا لفظ میں نے کئی جگہ اور بھی دیکھا ہے، لیکن اس کے معنی سے واقف نہیں۔ کوئی اس کندہء ناتراش کو بتانے کی زحمت کرے گا÷گی؟

 

[سید شہزاد ناصر]

بہت خوب۔ سُچا لفظ میں نے کئی جگہ اور بھی دیکھا ہے، لیکن اس کے معنی سے واقف نہیں۔ کوئی اس کندہء ناتراش کو بتانے کی زحمت کرے گا÷گی؟

سُچا کا مطلب ہے خالص اور فطری حالت میں

 

[غدیر زھرا]

بہت خوب۔ سُچا لفظ میں نے کئی جگہ اور بھی دیکھا ہے، لیکن اس کے معنی سے واقف نہیں۔ کوئی اس کندہء ناتراش کو بتانے کی زحمت کرے گا÷گی؟

سر میری ناقص معلومات کے مطابق تو سُچا کا مطلب "کھرا" ہوتا ہے ۔۔ باقی احباب بہتر بتا سکتے ہیں

 

[سید شہزاد ناصر]

سر میری ناقص معلومات کے مطابق تو سُچا کا مطلب "کھرا" ہوتا ہے -- باقی احباب بہتر بتا سکتے ہیں

بیٹا آپ کا جواب بھی ٹھیک ہے درج بالا شعر میں اس لفظ کا مطلب انہیں معنوں میں آتا ہے