سید عمران
محفلین
ہائے ہائے۔۔۔
اب تو ہمیں اپنی ذہانت سے ڈر لگنے لگا ہے!!!
ریلوے ٹریک پر آنے والے شعراء
- صاحب لڑی محمدابوعبداللہ
- تاریخ ابتداء
اب تو ہمیں اپنی ذہانت سے ڈر لگنے لگا ہے!!!
یاسر شاہ
محفلین
ذہانت سے نہ ڈریں البتہ تخلیقی صلاحیت آپریشن سے ختم کروائی جا سکتی ہے۔
سیما علی
لائبریرین
سارہ شگفتہ کی ایک نظم:
موت کی تلاشی مت لو
بادلوں میں ہی میری تو بارش مر گئی
ابھی ابھی بہت خوش لباس تھا وہ
میری خطا کر بیٹھا
کوئی جائے تو چلی جاؤں
کوئی آئے تو رُخصت ہو جاؤں
میرے ہاتھوں میں کوئی دل مر گیا ہے
موت کی تلاشی مت لو
انسان سے پہلے موت زندہ تھی
ٹوٹنے والے زمین پر رہ گئے
میں پیڑ سے گرا سایہ ہوں
آواز سے پہلے گھٹ نہیں سکتی
میری آنکھوں میں کوئی دل مر گیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیما علی
لائبریرین
آنس معین کا ایک شعر
ان کا ایک شعر:
نہ تھی زمیں میں وسعت مری نظر جیسی
بدن تھکا بھی نہیں اور سفر تمام ہوا
سیما علی
لائبریرین
شکیب جلالی کی موت کے بعد ان کی جیب سے یہ شعر ملا:
تونے کہا نہ تھا کہ میں کشتی پہ بوجھ ہوں
آنکھوں کو اب نہ ڈھانپ مجھے ڈوبتے بھی دیکھ
ان کا ایک اور شعر:
موت نے آج خود کشی کر لی
زیست پر کیا بنی خدا جانے
فیصل عظیم فیصل
محفلین
سید حسن رضوی المعروف شکیب جلالی کی والدہ نے خود کشی نہیں کی تھی شکیب کے والد جو پولیس میں تھے اور پیری مریدی بھی کرتے تھے ۔ ان پر کبھی کبھی ذہنی مرض کی کیفیت طاری ہوجاتی تھی (جسے شاید کوئی جذب کا نام بھی دے دیتا ہو۔ اللہ اعلم) انہوں نے ان کی والدہ کو اس وقت ٹرین کے سامنے پھینک دیا تھا جب وہ دونوں شکیب کے ساتھ ٹرین کی پٹڑی کے ساتھ ساتھ چلے جا رہے تھے ۔ اچانک ٹرین آگئی اور اس کے آنے کے ساتھ ہی شکیب کے والد نے ان کی والدہ کو اٹھا کر ریل کے آگے پھینک دیا۔ جس میں ان کی دونوں ٹانگیں کٹ گئی تھیں اور کثرت جریان خون کی وجہ سے وہ اس تشدد کو سہہ نہ پائیں اور موقع پر فوت ہو گئیں ۔ شکیب کی عمر اس وقت نو برس کی تھی اور وہ اس واقعہ کے عینی شاہد تھے۔ تصور کریں کہ اس پر کیا گزری ہو گی ۔ والدین تو جھگڑ رہے ہوں تو بچے سہم جاتے ہیں یہاں ماں کو اس کے سامنے ریل کے آگے پھینکا جا رہا ہے تو کیسے ممکن ہے کہ اس کے ذہن پر اثر نہ ہو؟ اس کے بعد جب ان کے والد کو سزا ہو گئی تو انہیں پاگل قرار دے کر مقدمے کی سزا ختم کر کے پاگل خانے بھیج دیا گیا تھا جہاں تقسیم ہند کے بعد وہ فوت ہو گئے ۔ ماں باپ سے محروم بچہ ماموں کے پاس پلنے لگا۔ پھر پاکستان بن گیا۔ چار بہنوں کو ماموں کے ساتھ پاکستان بھیج کر اپنے میٹرک کا امتحان دے کر پاکستان آنے والا حسن رضوی پہلے نانا کے پاس رہا جبکہ ان کی بہنیں کراچی میں ماموں کی طرف رہیں۔ پھر وہ بھی کراچی چلے گئے۔ کچھ عرصے بعد وہ بہنوں کو لے کر نانا کی طرف راولپنڈی چلے گئے۔ چھوٹی عمر سے ہی نوکریاں کرتے ، پڑھتے لکھتے بی اے بھی کیا۔ بہنوں کو بھی مقدور بھر سپورٹ کرتے رہے۔ پھر تھل کے ترقیاتی ادارہ میں انفارمیشن ڈیپارٹمنٹ میں ملازمت اختیار کی۔ جوہر آباد میں رہائش بھی رہی ۔ ان کا بچپن کا وہ ڈر جو والدہ کو آنکھوں کے سامنے گنوانے کا تھا مختلف صورتوں میں ان کے سامنے آنے لگتا۔ سائیکل پر بیٹھتے ہوئے ڈرتے تھے ۔ کبھی کسی کو کہتے پچھلے چوک میں سی آئی ڈی والا بندہ ہمارے پیچھے لگا ہوا تھا۔ علامات شیزوفرینیا جیسی تھیں ۔ شادی ہوئی ، دو بچے ہو گئے ایک بیٹی ایک بیٹا۔ زندگی ، مصروفیات، بہنوں ، شادی اور بچوں نے مرض کو دبائے رکھا۔ جب ان کی بیٹی پیدا ہوئی تو ان کی زوجہ تین دن تک ہوش میں نہ آ سکیں تو اس وقت میں یہ بہت پریشان ہو گئے ۔ یہاں تک کہ دل کا دورہ بھی پڑ گیا۔کہتے تھے کہ میں بن ماں جیا ہوں اللہ میرے بچوں کو ماں سے محروم نہ کرے ۔ عطاء الحق قاسمی نے جب فنون میں ہمارے شاعر کے عنوان سے انہیں پروموٹ کرنا شروع کیا تو حاسد بھی پیدا ہوگئے اور انہیں ذہنی اذیت دے کر ان کی ذاتی زندگی خراب کرنے کے درپے ہوئے۔ایک مرتبہ انہی حرکات کی بناء پر شکیب جلالی اپنا ذہنی توازن بھی کھو بیٹھے اور لاہور مینٹل اسپتال میں زیر علاج رہے ۔ صحت یاب ہونے کے بعد ان کی ایک بہن کے سسر صاحب جو سرگودھا کے رہنے والے تھے انہیں بھکر لے آئے ۔ اب شکیب اسپتال کی ڈسچارج سلپ دیکھتے اور دکھاتے تھے کہ دیکھ لو میرے نامہ اعمال میں اب پاگل خانے رہنا بھی لکھا جا چکا ہے۔ بارہ نومبر 1966 کو سرگودھا ریلوے اسٹیشن کے پاس موہنی فلور ملز کے سامنے ریل کی پٹڑی کے ساتھ دودھ دہی کی دکان پر دودھ کا آرڈر دیا ۔ ریل کی پٹڑی پر نظر پڑی تو پہلے جا کر اسے سونگھا۔ ریل کی کوک سنی انجن دیکھا تو شاید ماں نظر آگئی۔نو سال کا وہ بچہ جس نے اپنی ماں کے بغیر زندگی سے لڑتے لڑتے اتنا عرصہ گزار دیا۔ سامنے ماں کو دیکھ کر خود پر قابو نہ رکھ سکا اور جا کر ماں کی آغوش میں لپٹنے کو دوڑا۔ وہ ماں تھی؟ انجن تھا؟یا موت کون جانے۔ آخر سید حسن رضوی المعروف شکیب جلالی ماں کو اسی ماحول میں جان ملا جس ماحول میں ماں نے اسے چھوڑا تھا۔
لوگ کہتے ہیں اس نے خود کشی کی۔ کسی بیٹے کی مٹھڑی ماں بچھڑے تو کوئی سمجھے بیٹوں پر کیا گزرتی ہے
شکیب جلالی کی بھی دونوں ٹانگیں ہی کٹی تھیں بالکل اپنی والدہ کی طرح ۔ کہیں وہ ماں کی تکلیف جینا تو نہیں چاہتے تھے؟
آخری تدوین:
سیما علی
لائبریرین
رولا دیا آپ کے اس جملے نے !!!بہت دردناک شے ہے یہ مٹھڑی ماں کا بچھڑنا اس کیفیت کو وہی لوگ سمجھ سکتے ہیں جو اس اذیت سے گذرے ہوتے ہیں ۔۔۔🥲🥲🥲🥲🥲
فیصل عظیم فیصل
محفلین
اسے لکھتے ہوئے میں خود بھی آنسوؤں پر قابو نہیں رکھ پایا ۔
سیما علی
لائبریرین
سچ بھیا جب بھی ہم مصطفیٰ زیدی کا حال پڑھتے ہیں اور شیکب جلالی کا تو بہت افسردہ ہوتے ہیں کیونکہ دونوں جئینیس تھے ۔۔۔زمیں کھا گئی آسماں کیسے کیسے
سید عمران
محفلین
جنون اور جذب دونوں الگ الگ چیزیں ہیں۔۔۔
جیسے مجذوب اور مجنون بالکل الگ ہیں!!!
سید عمران
محفلین
یہ آپریشن ہمارے بھیا کرا چکے ہیں!!!
جاسمن
لائبریرین
نیرنگ خیال
لائبریرین
آپ کے اس سوال کی جواب سے پورا مضمون دوبارہ پڑھنا پڑا۔۔۔ کوئی اللہ خوفی بھی ہے آپ میں۔۔۔