ریکھائیں | نظم ۔ اکمل حیدرآبادی

[شاعر بدنام]

جب تمھاری یاد آئی
انگلیوں کو جنبش دی
سال ، ماہ اور ہفتے
دن ، پہر ، گھڑی لمحے
انگلیوں پہ گن ڈالے
اور دل کو سمجھایا
اتنے سال بیتے ہیں ، اتنے سال باقی ہیں
اور پھر تسلی دی
اتنے سال بیتیں تو ان سے پھر ملن ہوگا
لیکن
اب کہاں ممکن اور دل کو بہلانا
مٹ گئی ہیں ، گھس گھس کر
انگلیوں کی ریکھائیں !!

// اکمل حیدرآبادی

 

[کاشفی]

واہ واہ بہت ہی خوب۔۔

 

[فرخ منظور]

بہت خوبصورت نظم ہے!

 

[شاہ حسین]

بہت خوب جناب شاعر صاحب اچھی نظم ہے