زمانے میں‌سروش اپنی یہی پہچان رکھیں گے - شکیل سروش

[کاشفی]

اہل پاکستان کے نام ایک خوبصورت غزل۔۔۔۔۔

غزل
(شکیل سروش)

زمانے میں‌سروش اپنی یہی پہچان رکھیں گے
ہم امریکہ میں‌رہ کر دل کو پاکستان رکھیں گے

تجھے دل میں‌بٹھائیں گے، کبھی لکھیں گے آنکھوں پر
خیال یار تجھ کو اس طرح‌ مہمان رکھیں‌ گے

تری آنکھوں کو دے کر روشنی اپنی نگاہوں کی
ترے بلور سے پیکر میں اپنی جان رکھیں گے

تمہیں مشکل بنائیں‌ گے ہم اپنے واسطے لیکن
تمہارے واسطے خود کو بہت آسان رکھیں گے

اگرچہ جانے والے لوٹ کر آتے نہیں‌ جاناں
تجھے اک بار پھر ملنے کا اک امکان رکھیں‌ گے​

 

[عمران شناور]

بہت شکریہ کاشفی صاحب!
لگتا ہے آپ شکیل سروش صاحب کو ذاتی طور پر جانتے ہیں۔

 

[اشتیاق علی]

واہ کاشفی صاحب اچھی شاعری ہے ۔

 

[شاہ حسین]

اچھا انتخاب ہے شریکِ محفل کرنے کا شکریہ ۔