زونی، آپ کے دستخط/اوتار کچھ کہتے ہیں

[ماوراء]

اس ہفتے کی مہمان "زونی" ہیں۔ آپ سب کو زونی کے اوتار اور دستخط کے بارے میں اپنے تاثرات کا اظہار کرنا ہے۔ آئیں دیکھیں زونی کے دستخط اور اوتار۔ مزید اس کے ساتھ ساتھ یہ بھی بتائیں کہ "اوتار اور دستخط" کا سلسلہ کیسا ہے؟ کیا اسے جاری رکھنا چاہیے؟

زونی کا اوتار

زونی کی پروفائل کی تصویر

زونی کے دستخط
دستِ فلک میں گردشِ تقدیر تو نہیں
دستِ فلک میں گردشِ ایّام ہی تو ھے

زونی کا موڈ

​

 

[arifkarim]

بہت اچھا سلسلہ ہے ماوراء۔ اس سے بندے کی شخصیت کا کچھ کچھ پتا چلتا ہے اسے جاری رکھنا چاہیے۔

 

[محمد نعمان]

اوتار سے تو لگتا ہے کہ مصوری سے شغف ہے۔

پروفائل کی تصویر سے لگتا ہے سبز رنگ بہت پسند ہے

دستِ فلک میں گردشِ تقدیر تو نہیں
دستِ فلک میں گردشِ ایّام ہی تو ھے

دستخط سے یہی باور ہورہا ہے کہ زونی جی تقدیر کے ساتھ ساتھ تدبیر کی بھی حامی ہیں اور آسماں کے ہر فیصلے کو من و عن تسلیم کرنے کے بجائے اپنے اوپر بھی سوالات اٹھانے کی عادی۔

اور اسی لیے جناب انکا موڈ خوشگوار رہتا ہے۔

 

[ماوراء]

زونی کی بار سب کو چپ کیوں لگ جاتی ہے۔

 

[زین]

کیوں کہ وہ سب کو چھپ کرادیتی ہے ۔

 

[تعبیر]

میں سوچ کر لکھوں گی ماواء

ویسے مجھے آپ کا اوتار سمجھ نہیں آتا اگر آپ نے خود کرنا ہو تو خیر ہے ورنہ مجھے بتا دیجئے گا میں پوسٹ کر دونگی اس دن

 

[طالوت]

اس ہفتے کی مہمان "زونی" ہیں۔ آپ سب کو زونی کے اوتار اور دستخط کے بارے میں اپنے تاثرات کا اظہار کرنا ہے۔ آئیں دیکھیں زونی کے دستخط اور اوتار۔ مزید اس کے ساتھ ساتھ یہ بھی بتائیں کہ "اوتار اور دستخط" کا سلسلہ کیسا ہے؟ کیا اسے جاری رکھنا چاہیے؟

سلسلہ اچھا ہے ، اس شخصیت کو جاننے میں مدد ملتی ہے ، مگر شاید بجلی کے بحران کی وجہ سے پاکستان میں موجود ممبران اس میں حصہ نہیں لے پا رہے ۔۔ بلکہ میں نے تو تجویز دی تھی کہ "اوتار" اور "ہفتے کے مہمان" کو تعارف کے زمرے میں بطور ذیلی زمرہ شامل کر لیا جائے۔۔

زونی کا اوتار

بڑا مشکل سا اوتار ہے ، یا تو ارٹسٹک ذہن کی مالک ہیں ، یا پھر ہم عمومی طور پر متوجہ کرنے یا "فارمیلٹی" کی خاطر کچھ بھی کھ لیتے ہیں ، صحیح تو زونی ہی بتا پائیں گی ۔۔

زونی کی پروفائل کی تصویر

پاکستان سے تعلق رکھتی ہیں

زونی کے دستخط
دستِ فلک میں گردشِ تقدیر تو نہیں
دستِ فلک میں گردشِ ایّام ہی تو ھے

شروع سے ہی اشعار کو سمجھنا میرے لیے ایک مسئلہ رہا ہے اور پھر اگر شعر بھی "گھمن پھیری" والا ہو تو یہ ایسا ہی شعر ہے ۔۔ اسلیے اس پر تبصرہ کر کے میں نے شعرا سے جوتیاں نہیں کھانی

زونی کا موڈ

[/QUOTE]
اب تک جب بھی نطر پڑی زونی عموما خوشگوار موڈ میں نطر آئیں بس کبھی ہمیں شرف کلام بخشتیں تو اپنی بری عادت کے مطابق کچھ زیادہ تفصیلا اور بےلاگ تبصرہ کیا جاتا۔۔
وسلام

 

[تعبیر]

زونی کا اوتار

اوتار یہ تاثر دیتا ہے کہ زونی کو آرٹ سے لگاؤ ہے اور خاص کر خطاطی سے
اللہ کے نام سے زونی ہر کام شروع کرنا چاہتی ہیں تبھی اللہ کا نام اوتار میں رکھا ہے۔

زونی کی پروفائل کی تصویر

ہماری جان اور پہچان پاکستان

زونی خود کو پراؤڈ پاکستانی فیل کرتی ہیں



زونی کے دستخط
دستِ فلک میں گردشِ تقدیر تو نہیں
دستِ فلک میں گردشِ ایّام ہی تو ھے

یہاں پر اکر میرے الفاظ مک گئے
سوری شاعری اپنے بس کی بات نہیں
یہ تو زونی خود ہی بتائیں گی ​

 

[ماوراء]

زونی، کہاں رہ گئیں؟

تعبیر، نہیں۔۔ابھی میرا رہنے دیں۔

 

[ظفری]

زونی کا اوتار

لگتا ہے کہ کسی بھی چیز کی پیچیدگی کو سمجھنے کی کوشش کرتیں ہیں ۔

زونی کی پروفائل کی تصویر

ہر سچے پاکستانی کی طرح پاکستان سے محبت کا اظہار ہوتا ہے ۔ پاکستان کی ترقی پر خوشی محسوس کرتیں ہیں ۔ اور پاکستان کی زبوں حالی پر کڑکتی بھی ہیں ۔

زونی کے دستخط
دستِ فلک میں گردشِ تقدیر تو نہیں
دستِ فلک میں گردشِ ایّام ہی تو ھے

لگتا ہے کہ زندگی کی بے ثباتوں کا علم ہے ۔

زونی کا موڈ

زونی کی واقعی یہ خاص بات ہے کہ ان کا موڈ ہمیشہ ہی خوشگوار ہی دیکھا ہے ۔ اس سے معلوم ہوتا ہے کہ وہ جانتیں ہیں ۔ کہ آنے والا کل آج سے بہتر ہوگا ۔
​

 

[عمار ابن ضیا]

اس ہفتے کی مہمان "زونی" ہیں۔ آپ سب کو زونی کے اوتار اور دستخط کے بارے میں اپنے تاثرات کا اظہار کرنا ہے۔ آئیں دیکھیں زونی کے دستخط اور اوتار۔ مزید اس کے ساتھ ساتھ یہ بھی بتائیں کہ "اوتار اور دستخط" کا سلسلہ کیسا ہے؟ کیا اسے جاری رکھنا چاہیے؟

سلسلہ جاری رکھا جاسکتا ہے لیکن بات یہ ہے کہ ان تین مختصر سی چیزوں پر ہر ایک کیا تبصرہ کرے؟ زیادہ تر یکسانیت ہی ہوتی ہے۔ کوئی ایسا آئیڈیا ہو جس سے یہ مزید اچھوتا اور دلچسپ ہوسکے۔۔۔

زونی کا اوتار

​

اوتار سے لگتا ہے کہ زونی کو فنونِ لطیفہ سے دل چسپی ہے۔ ساتھ ہی اندازہ لگایا جاسکتا ہے کہ ان کی شخصیت دیکھنے میں بہت دل کش ہے لیکن درحقیقت پیچیدہ ہے۔

زونی کی پروفائل کی تصویر

زونی کی پروفائل تصویر پاکستان سے محبت کا اظہار تو ہے ہی لیکن اس کی جدت موجودہ قوم کے پاکستان سے لگاؤ اور سب کچھ ٹھیک کرنے کی ہمت کا اشارہ دیتی ہے۔

ہم ہیں نئے، انداز کیوں ہو پرانا​

زونی کے دستخط
دستِ فلک میں گردشِ تقدیر تو نہیں
دستِ فلک میں گردشِ ایّام ہی تو ھے

دستخط سے اندازہ لگایا جاسکتا ہے کہ زونی کو شاعری سے رسمی سا لگاؤ نہیں بلکہ انہیں شعریت کی سمجھ بھی ہے۔

زونی کا موڈ

یہی زونی کی خوبی ہے کہ یہ ہر پل خوش رہتی ہے، ہنستی مسکراتی۔

خدا اسے ہمیشہ اسی طرح خوش اور ہنستا مسکراتا رکھے۔ آمین

 

[زونی]

زونی، کہاں رہ گئیں؟

تعبیر، نہیں۔۔ابھی میرا رہنے دیں۔

میں یہہیں ہوں ماوراء‌ ، کچھ مصروفیت کی وجہ سے غائب تھی ، اب پتہ چلا کہ یہاں دوبارہ میں تختہ مشق بنی ہوئی ہوں

 

[زونی]

تمام دوستوں سے گزارش ھے کہ میری حب الوطنی کے قصیدوں کو تھوڑا سا لپیٹ ‌لیں کیونکہ پروفائل کی تصویر وہی ھے جو پہلے چودہ اگست کے موقع پہ لگائی گئی تھی لیکن جب اوتار تبدیل کیا تو پروفائل کی تصویر پہ دھیان نہیں رہا ، تاہم میرے جذبات بھی ویسے ہی ہیں جیسے دوسرے پاکستانیوں کے ہیں ، زرداری کو چھوڑ‌کے

 

[عمار ابن ضیا]

ہاہاہاہا۔۔۔ لوگوں کی خوش فہمی اچھی نہیں لگ رہی تھی۔

 

[نایاب]

السلام علیکم
محترمہ زونی جی
سدا خوش وآباد رہیں آمین
(1)

اوتار سے تو یہ لگتا ہے جیسے محترمہ زونی جی ۔۔۔
اک الف اللہ مینوں درکار ۔۔۔ علموں بس کریں او یار
کے مصداق
کسی غیر ضروری مباحثہ سے دامن بچائے رکھتی ہیں ۔
مختصر بات کرنا اور کہنے سے زیادہ کر کے دکھانا پر یقین رکھتی ہیں ۔
بظاہر آزاد خیال لیکن بہ باطن پوری طرح اسلامی اقدار پر عمل پیرا ۔
(2)

قومیت کی اسیر اور اپنے وطن پاکستان کے لیے سب کچھ قربان کرنے پر تیار ۔
وطن و قوم کی خدمت بنا کسی دکھاوے اور لالچ کے ۔
(3)
دستِ فلک میں گردشِ تقدیر تو نہیں
دستِ فلک میں گردشِ ایّام ہی تو ھے

قضا و قدر کو سمجھتی ہیں اور تقدیر معلق اور تقدیر مبرم میں فرق سے آگاہ ہیں ۔
بقول علامہ اقبال جی
عمل سے زندگی بنتی ہے جنت بھی جہنم بھی
(4)

زندگی زندہ دلی کا نام ہے ۔ مردہ دل کیا خاک جیا کرتے ہیں ۔
شاہراہ حیات پر سفر زندگی کی کڑی دھوپ بھی ہنس کر برداشت کرنا
محترمہ زونی جی کی فطرت ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترمہ زونی جی
کچھ ناگوار گزرے تو پیشگی معذرت
سدا مہکتا رہے آپ کا چمن اللہ تعالی کی رحمتوں برکتوں سے آمین
نایاب

 

[زونی]

ہاہاہاہا۔۔۔ لوگوں کی خوش فہمی اچھی نہیں لگ رہی تھی۔

اچھی تو لگ رہی تھی لیکن جو کسی ایجنسی نے پکڑ کے مجھے امریکہ کے حوالے کر دیا تو کیا تم آؤ گے چھڑوانے

 

[عمار ابن ضیا]

اچھی تو لگ رہی تھی لیکن جو کسی ایجنسی نے پکڑ کے مجھے امریکہ کے حوالے کر دیا تو کیا تم آؤ گے چھڑوانے

ہاہاہا۔۔۔ چھڑوانے بھلے نہ آؤں لیکن پیچھے اتنا شور و غل مچاؤں گا کہ ایجنسی والے بولیں گے، آ، تجھے بھی پکڑ کر وہیں بند کردیں۔ پھر حوالات میں محفل محفل کھیلیں گے۔

(مذاق۔ اللہ نہ کرے، ایسا کچھ ہو)

 

[طالوت]

تمام دوستوں سے گزارش ھے کہ میری حب الوطنی کے قصیدوں کو تھوڑا سا لپیٹ ‌لیں کیونکہ پروفائل کی تصویر وہی ھے جو پہلے چودہ اگست کے موقع پہ لگائی گئی تھی لیکن جب اوتار تبدیل کیا تو پروفائل کی تصویر پہ دھیان نہیں رہا ، تاہم میرے جذبات بھی ویسے ہی ہیں جیسے دوسرے پاکستانیوں کے ہیں ، زرداری کو چھوڑ‌کے

تدوین کر دی ہے
وسلام

 

[ماوراء]

چلیں زونی اب آپ اپنے دستخط اور اوتار کے بارے میں ہمیں بتا دیں کہ یہ رکھنے کی کیا خاص وجہ تھی؟