زیست کی ساری ساعتیں بےسود

[عبداللہ محمد]

مضطرب دل کی حسرتیں بےسود
ہم غریبوں کی خواہشیں بےسود

عشق میں صرف جُنوں ہی کام آئے
فلسفہ، عقل، منطقیں بےسود،

خواب میں تم تھے کل کسی کے ساتھ
میری ساری وضاحتیں بےسود

عشق والوں سے جینا سیکھا ہے
عقل والوں کی صحبتیں بےسود

ہم گنہگار نہ بدل پائے
زاہدوں کی نصیحتیں بےسود

وصل کی اِک گھڑی کے آگے حنیف
زیست کی ساری ساعتیں بےسود
حنیف سمانا

 

[ابو مصعب]

بہت خوب۔ شاعر کا تعارف بھی کردیں۔ اگر ان کا اور کلام ہے تو لنک شئر کریں۔

 

[عبداللہ محمد]

بہت خوب۔ شاعر کا تعارف بھی کردیں۔ اگر ان کا اور کلام ہے تو لنک شئر کریں۔

حنیف سمانا صاحب کالم کار ہیں۔
انکے مزید تعارف کے لئے محفل کا ہی ایک لنک حاضر ہے۔