نبیل
تکنیکی معاون
السلام علیکم،
محفل فورم پر زیر استعمال زین فورو کا ورژن 1.5 اینڈ آف لائف کو پہنچ چکا ہے اور اس کی مزید اپڈیٹس جاری نہیں ہوں گی۔ اسی لیے ضروری ہے کہ فورم کو موجودہ ورژن 2.2 پر اپگریڈ کیا جائے۔ اب تک ایسا کرنے میں ہچکچاہت کی وجہ بریکنگ چینجز تھیں۔ اردو ترجمہ پر نئے سرے سے کام کرنے کی ضرورت ہے اور اردو ایڈیٹر انٹگریشن کو یقینی بنانا بھی ضروری ہے۔ اس کے علاوہ اس بات کا جائزہ لینے کی ضرورت ہے کہ ہمیں کن ایڈآنز کی ضرورت پیش آئے گی۔
پبلک فورم پر اس گفتگو کا آغاز کرنے سے قبل میں نے چند دوستوں سے ذاتی مکالمے میں اس بابت کچھ مشورہ کیا ہے۔ اب پبلک فورم پر اس سلسلے میں مشاورت کا آغاز کرنا چاہ رہا ہوں۔ میری تمام محفلین اور فورم منتظمین سے گزارش ہے کہ اس تھریڈ میں گفتگو کو تعمیری اور صرف موضوع پر رکھیں۔
اگر ہمارا طویل المیعاد ویژن ڈسکورس کی بنیاد پر نیا پلیٹ فارم تشکیل دینا ہے، میرے خیال میں فورم کی اس میجر اپگریڈ کو اس ویژن کی سمت میں پہلے قدم کے طور پر دیکھا جا سکتا ہے۔ فورم کی اپگریڈ کے ساتھ ساتھ ہی اس کی تنظیم نو کے اس کام پر بھی توجہ دی جا سکتی ہے۔ غیر ضروری زمرہ جات کو آرکائیو کرکے باقی زمرہ جات کو ضرورت کے تحت آپس میں مرج کر دیا جانا چاہیے۔ اچھی خبر یہ ہے کہ زین فورو 2.2 کے اردو ترجمہ پر ابتدائی کام کیا جا چکا ہے اور میری دانست میں یہ اب قابل استعمال ہے۔ بعد میں ارکان فورم کی فیڈبیک کے ساتھ ساتھ اسے بہتر بنایا جا سکتا ہے۔ اردو ایڈیٹر انٹگریشن بھی کامیاب تجربات کیے جا چکے ہیں۔ موجودہ ایڈآنز کے متبادل ڈھونڈنا باقی ہے۔ میری خواہش ہوگی کہ ان امور میں سب کی مشاورت شامل رہے۔
زین فورو 2.2 پر اپگریڈ اگرچہ فورم کی سیکیورٹی اور سٹیبل آپریشن کے اعتبار سے ضروری ہے، دوسری جانب ورژن 2.2 میں جدید فیچرز کا اضافہ بھی کیا گیا ہے۔ ان فیچرز کی تفصیل اس ربط پر دیکھی جا سکتی ہے۔ فی الوقت ہماری پہلی ترجیح فورم کو بخیر و عافیت نئے ورژن پر منتقل کرنا اور تمام ضروری ڈیٹا مائیگریٹ کرنا ہے۔ یقینا یہ سب کچھ کرنے سے پہلے ہم ضروری تجربات کریں گے۔ فی الوقت یہ تجربات لوکل ویب سرور پر کیے جا رہے ہیں۔ اگلا مرحلہ اردو ویب سرور کے ڈیویلپمنٹ ایریا میں فورم مائیگریشن کا تجربہ کرنا ہے۔ سب کچھ ٹھیک ہونےکے بعد ہی مین فورم کو نئے ورژن پر اپگریڈ کیا جائے گا۔
یہ سب کام کافی محنت اور تحقیق طلب ہے اور اس میں آپ سب کا تعاون درکار ہوگا۔ ابھی بھی کئی ایشوز کے حل تلاش کرنا باقی ہے۔ میں ان کے بارے میں جلد ہی بات کروں گا۔
والسلام
محفل فورم پر زیر استعمال زین فورو کا ورژن 1.5 اینڈ آف لائف کو پہنچ چکا ہے اور اس کی مزید اپڈیٹس جاری نہیں ہوں گی۔ اسی لیے ضروری ہے کہ فورم کو موجودہ ورژن 2.2 پر اپگریڈ کیا جائے۔ اب تک ایسا کرنے میں ہچکچاہت کی وجہ بریکنگ چینجز تھیں۔ اردو ترجمہ پر نئے سرے سے کام کرنے کی ضرورت ہے اور اردو ایڈیٹر انٹگریشن کو یقینی بنانا بھی ضروری ہے۔ اس کے علاوہ اس بات کا جائزہ لینے کی ضرورت ہے کہ ہمیں کن ایڈآنز کی ضرورت پیش آئے گی۔
پبلک فورم پر اس گفتگو کا آغاز کرنے سے قبل میں نے چند دوستوں سے ذاتی مکالمے میں اس بابت کچھ مشورہ کیا ہے۔ اب پبلک فورم پر اس سلسلے میں مشاورت کا آغاز کرنا چاہ رہا ہوں۔ میری تمام محفلین اور فورم منتظمین سے گزارش ہے کہ اس تھریڈ میں گفتگو کو تعمیری اور صرف موضوع پر رکھیں۔
اگر ہمارا طویل المیعاد ویژن ڈسکورس کی بنیاد پر نیا پلیٹ فارم تشکیل دینا ہے، میرے خیال میں فورم کی اس میجر اپگریڈ کو اس ویژن کی سمت میں پہلے قدم کے طور پر دیکھا جا سکتا ہے۔ فورم کی اپگریڈ کے ساتھ ساتھ ہی اس کی تنظیم نو کے اس کام پر بھی توجہ دی جا سکتی ہے۔ غیر ضروری زمرہ جات کو آرکائیو کرکے باقی زمرہ جات کو ضرورت کے تحت آپس میں مرج کر دیا جانا چاہیے۔ اچھی خبر یہ ہے کہ زین فورو 2.2 کے اردو ترجمہ پر ابتدائی کام کیا جا چکا ہے اور میری دانست میں یہ اب قابل استعمال ہے۔ بعد میں ارکان فورم کی فیڈبیک کے ساتھ ساتھ اسے بہتر بنایا جا سکتا ہے۔ اردو ایڈیٹر انٹگریشن بھی کامیاب تجربات کیے جا چکے ہیں۔ موجودہ ایڈآنز کے متبادل ڈھونڈنا باقی ہے۔ میری خواہش ہوگی کہ ان امور میں سب کی مشاورت شامل رہے۔
زین فورو 2.2 پر اپگریڈ اگرچہ فورم کی سیکیورٹی اور سٹیبل آپریشن کے اعتبار سے ضروری ہے، دوسری جانب ورژن 2.2 میں جدید فیچرز کا اضافہ بھی کیا گیا ہے۔ ان فیچرز کی تفصیل اس ربط پر دیکھی جا سکتی ہے۔ فی الوقت ہماری پہلی ترجیح فورم کو بخیر و عافیت نئے ورژن پر منتقل کرنا اور تمام ضروری ڈیٹا مائیگریٹ کرنا ہے۔ یقینا یہ سب کچھ کرنے سے پہلے ہم ضروری تجربات کریں گے۔ فی الوقت یہ تجربات لوکل ویب سرور پر کیے جا رہے ہیں۔ اگلا مرحلہ اردو ویب سرور کے ڈیویلپمنٹ ایریا میں فورم مائیگریشن کا تجربہ کرنا ہے۔ سب کچھ ٹھیک ہونےکے بعد ہی مین فورم کو نئے ورژن پر اپگریڈ کیا جائے گا۔
یہ سب کام کافی محنت اور تحقیق طلب ہے اور اس میں آپ سب کا تعاون درکار ہوگا۔ ابھی بھی کئی ایشوز کے حل تلاش کرنا باقی ہے۔ میں ان کے بارے میں جلد ہی بات کروں گا۔
والسلام
