ساغر صدیقی : جس طرف چشمِ محمدؐ کے اِشارے ہو گئے

[سید زبیر]

جس طرف چشمِ محمدؐ کے اِشارے ہو گئے​

جس طرف چشمِ محمدؐ کے اِشارے ہو گئے​

جتنے ذرّے سامنے آئے، ستارے ہو گئے​

جب کبھی عِشق محمدؐ کی عنایت ہو گئی​

میرے آنسو کوثر و زمزم کے دھارے ہو گئے​

موجۂ طوفاں میں جب نام محمدؐ لے لیا​

ڈُوبتی کشتی کے تنکے ہی سہارے ہو گئے​

یا محمدؐ! آپؐ کی نظروں کا یہ اعجاز ہے ​

جس طرف اُٹھیں نگاہیں، سب تمہارےؐ ہو گئے​

میں ہُوں اور یادِ مدینہ، اور ہیں تنہائیاں​

اپنے بیگانے سبھی مُجھ سے کنارے ہو گئے​

اپنی کملی کا ذرا سایہ عنایت ہو مُجھے​

دل کے دُشمن، یا محمدؐ دل سے پیارے ہو گئے​

ڈُوبنے والوں جب نام محمدؐ لے لیا​

حلقۂ طوفان کو حاصل کنارے ہو گئے​

اُن کی نظروں میں یقیناً باغِ جنّت کچھ نہیں​

جِس کی نظروں کو مدینے کے نظارے ہو گئے​

چند لمحے آستانِ پاک پر گُزرے ہیں جو​

وہ ہماری زندگی کے سہارے ہو گئے​

سبز گنبد کے لیے اشعارِ ساغرؔ، مرحبا​

جگمگا کر زندگی کے ماہ پارے ہو گئے​

​

ساغرؔ صدیقی​

 

[قیصرانی]

جزاک اللہ

 

[Saadullah Husami]

سبز گنبد کے لیے اشعارِ ساغرؔ، مرحبا
جگمگا کر زندگی کے ماہ پارے ہو گئے

عمدہ نعتِ ساغر صدیقی ہے ۔زبیر صاحب ،ماشاء اللہ

 

[مہ جبین]

جب کبھی عِشق محمدؐ کی عنایت ہو گئی
میرے آنسو کوثر و زمزم کے دھارے ہو گئے
سبحان اللہ
بہت خوب انتخابِ کلام ہے
جزاک اللہ سید زبیر بھائی

 

[الف نظامی]

یا محمدؐ! آپؐ کی نظروں کا یہ اعجاز ہے
جس طرف اُٹھیں نگاہیں، سب تمہارےؐ ہو گئے

 

[علی فاروقی]

جب کبھی عِشق محمدؐ کی عنایت ہو گئی
میرے آنسو کوثر و زمزم کے دھارے ہو گئے

سبحان اللہ​

 

[سیدہ شگفتہ]

جس طرف چشمِ محمدؐ کے اِشارے ہو گئے
جتنے ذرّے سامنے آئے، ستارے ہو گئے

 

[سیدہ شگفتہ]

سبحان اللہ