فراز ساقیا ایک نظر جام سے پہلے پہلے

[محمد بلال اعظم]

ساقیا ایک نظر جام سے پہلے پہلے​

ہم کو جانا ہے کہیں شام سے پہلے پہلے​

نو گرفتار وفا، سعی رہائی ہے عبث​

ہم بھی الجھے تھے بہت دام سے پہلے پہلے​

خوش ہو اے دل کہ محبت تو نبھا دی تو نے​

لوگ اجڑ جاتے ہیں انجام سے پہلے پہلے​

اب ترے ذکر پہ ہم بات بدل دیتے ہیں​

کتنی رغبت تھی ترے نام سے پہلے پہلے​

سامنے عمر پڑی ہے شب تنہائی کی​

وہ مجھے چھوڑ گیا شام سے پہلے پہلے​

کتنا اچھا تھا کہ ہم بھی جیا کرتے تھے فراز​

غیر معروف سے ، گمنام سے ، پہلے پہلے​

 

[مزمل شیخ بسمل]

واہ واہ۔ خوب ہے بھئی۔

 

[طارق شاہ]

بلال صاحب اِس مصرع کو دوبارہ دیکھ لیں
"خوش ہوا اے دل کی محبت تو نبھا دی تو نے"
شاید صحیح لکھا نہیں گیا ہے یہاں

فراز صاحب کی کیا بات ہے ، شیئر کرنے کا شکریہ

 

[محمد بلال اعظم]

بلال صاحب اِس مصرع کو دوبارہ دیکھ لیں
"خوش ہوا اے دل کی محبت تو نبھا دی تو نے"
شاید صحیح لکھا نہیں گیا ہے یہاں

فراز صاحب کی کیا بات ہے ، شیئر کرنے کا شکریہ

جی جناب میں نے غلط لکھا ہے، مصرع ایسے ہے
خوش ہو اے دل کہ محبت تو نبھا دی تو نے

 

[محمد بلال اعظم]

میں نے تدوین کر دی ہے۔

 

[طارق شاہ]

جی جناب میں نے غلط لکھا ہے، مصرع ایسے ہے
خوش ہو اے دل کہ محبت تو نبھا دی تو نے

بہت شکریہ جواب کا، امید ہے اسے اولین پوسٹ میں درست کردیا جائے گا
تشکّر

 

[طارق شاہ]

میں نے تدوین کر دی ہے۔

بہت شکریہ
اب اگر یہ میری پوسٹ کو بھی حذف کردیں تو صحیح ہوگا