جگر ساقی کی ہر نگاہ پہ بل کھا کے پی گيا - جگر مراد آبادی

[محمد خلیل الرحمٰن]

میرے پاس جو اُن کے کلیات ہیں اس میں یہ نظم شکستِ توبہ کے نام سے ہے باقی یہ دیکھ لیے
سر
شکست_توبہ - جگرؔ مرادآبادی

درست کہتے ہیں آپ

 

[محمد وارث]

اس کلام کا سارا چال چلن 'غزل' والا ہے، وہی مطلع، وہی مقطع، وہی ہر شعر اپنے آپ میں مکمل۔ کوئی شعر اُٹھا لیں، اپنے آپ میں ایک 'یونٹ' ہے اور علیحدہ سے پڑھا، لکھا، گنگنایا جا سکتا ہے، نظم کی طرح دوسرے اشعار کو ساتھ ملانے کی ضرورت ہی نہیں۔ ہاں یہ کہ خیال مسلسل ہے، یعنی غزلِ مسلسل ہے سو اس کو عنوان دے دیا، شعرا ایسا کرتے رہے ہیں یعنی غزلوں کو اور خاص طور پر مسلسل غزلوں کو بھی عنوان دے دینا، فارسی شاعری میں تو غیر مسلسل غزل کو بھی عنوان دے دیا جاتا ہے۔ سوائے عنوان کے اس 'فن پارے' میں اور کیا چیز ہے کہ اسے 'نظم' کہا جائے؟

 

[محمد خلیل الرحمٰن]

غزلِ مسلسل کیا نظم بھی کہلائی جاسکتی ہے؟

 

[محمد تابش صدیقی]

ویسے یہ اور اس زمین میں ساغر کی غزل، دونوں ہی کمال ہیں۔

 

[محمد وارث]

غزلِ مسلسل کیا نظم بھی کہلائی جاسکتی ہے؟

یوں تو پھر خلیل صاحب جو بھی کلام یا سخن باوزن ہے وہ نظم ہی ہوتا ہے

 

[محمد ریحان قریشی]

نظم کے حقیقی معنی تو کلامِ موزوں کے ہی ہیں۔

غزل گفتی و در سفتی بیا و خوش بخوان حافظ
که بر نظم تو افشاند فلک عقد ثریا را​