ساڈا چڑیاں دا چنبا وے بابلا نامعلوم

[سید شہزاد ناصر]

ساڈا چڑیاں دا چنبا وے بابلا

گلیاں تان تیریاں بابل بھیڑیاں، میرا ہن ہویا پردیس
رکھ بابل گھر آپنا، دھی چلی بگانے دیس

ساڈا چڑیاں دا چنبا وے بابلا
اساں اُڈ جاناں، ،اساں اُڈ جاناں
بیٹھی جنج بُوہا مَل کے
ہوناں میں پردیسن پلکے
گھر دیاں کنجیاں سانبھ لے ماں
اساں اُڈ جاناں، اساں اُڈ جاناں
ساڈا چڑیاں دا چنبا
جتھے کھیڈے گُڈیاں پٹولے
جند اج اوسے گھر وِچ ڈولے
میرے درد سنے اج کون وے
اساں اُڈ جاناں، ،اساں اُڈ جاناں
ساڈا چڑیاں دا چنبا
امبڑی، بابل، ویر پئے تکدے
لِکھیاں نوں اوہ موڑ نہ سَکدے
ٹُٹ گئے سارے مان وے
اساں اُڈ جاناں، ،اساں اُڈ جاناں
ساڈا چڑیاں دا چنبا
بخش دے مائیں بتّی دھاراں
جاندی واری سلام گذاراں
تیرے قسمت دے نال میل وے
اساں اُڈ جاناں، ،اساں اُڈ جاناں
ساڈا چڑیاں دا چنبا​

 

[شمشاد]

سچ ای آکھیا اے کے۔

 

[سید فصیح احمد]

دل اداس بھی ، اور خوشی کا احساس بھی !!