سبق آموز شاعری

[عرفان سرور]

خاک اُڑتی جو ہم خدا ہوتے
بندگی کا بھی حق ادا نہ ہوا۔۔۔
اسماعیل میرٹھی۔

 

[عرفان سرور]

ہر اک مقام سے آگے مقام ہے تیرا
حیات ذوق سفر کے سوا کچھ اور نہیں
اقبال

 

[محمداحمد]

مجھ کو تنہا کر گیا منفرد رہنے کا شوق
اب اکیلے بیٹھ کر یادوں کے منظر دیکھنا

 

[محمداحمد]

کس نے کہا تھا
کچی پکی دیواروں پہ ہات رکھو
کس نے کہا تھا
سایوں کے ہمراہ چلو
کس نے کہا تھا
صحرائوں میں راہیں ڈالو
بولو!
آخر کس نے کہا تھا
تن تنہا آوارہ بادل کی سیلانی چھائوں میں
سستانے بیٹھو
افراتفری کے موسم میں
کس نے کہا تھا پیار کرو

فرحت عباس شاہ

 

[معاویہ وقاص]

جس کے بغیر جی نہیں سکتے تھے جیتے ہیں
پس طے ہُوا کہ لازم و ملزُوم کچھ نہیں

 

[محمداحمد]

کھلا یہ بھید کہ تنہائیاں ہی قسمت ہیں​

اک عمر دیکھ لیا محفلیں سجا کے بھی ​

​

ریاض مجید​

 

[جاسمن]

پیار سے بڑھ کر نہیں دنیا میں کوئی روشنی
پی گئے یہ روشنی تو آئینہ ہوجاؤ گے
گفتگو میٹھی کرو، ہر شخص سے بڑھ کر ملو
دشمنوں کے واسطے بھی دلربا ہوجاؤ گے

 

[سید عاطف علی]

جو اعلی ظرف ہوتے ہیں ہمیشہ جھک کے ملتے ہیں
صراحی سر نگوں ہو کر ، بھرا کرتی ہے پیمانے

 

[سید عاطف علی]

روک لو گر غلط چلے کوئی
بخش دو گر خطا کرے کوئی
غالب۔

 

[محمد وقار الحسن]

جو اعلی ظرف ہوتے ہیں ہمیشہ جھک کے ملتے ہیں
صراحی سر نگوں ہو کر ، بھرا کرتی ہے پیمانے

واہ کیا خوب شعر ہے۔

 

[رباب واسطی]


منزل سے آگے بڑھ کر منزل تلاش کر
مل جائے تجھ کو دریا تو سمندر تلاش کر
ہر شیشہ ٹوٹ جاتا ہے پتھر کی چوٹ سے
پتھر ہی ٹوٹ جائے وہ شیشہ تلاش کر
سجدوں میں تیرے کیا ہوا صدیاں گزر گئیں
دنیا تیری بدل دے وہ سجدہ تلاش کر
ایمان تیرا لٹ گیا رہزن کے ہاتھوں سے
ایمان تیرا بچا لے وہ رہبر تلاش کر
ہر شخص جل رہا ہے عداوت کی آگ میں
اس آگ کو بجھا دے وہ پانی تلاش کر
کر دے سوار اونٹ پہ اپنے غلام کو
پیدل ہی خود چلے وہ آقا تلاش کر
آپ کی اطلاع کے لیئے عرض کر
محمد اسماعیل

 

[محمد تابش صدیقی]


منزل سے آگے بڑھ کر منزل تلاش کر

مل جائے تجھ کو دریا تو سمندر تلاش کر

ہر شیشہ ٹوٹ جاتا ہے پتھر کی چوٹ سے

پتھر ہی ٹوٹ جائے وہ شیشہ تلاش کر

سجدوں سے تیرے کیا ہوا صدیاں گزرگئیں

دنیا تیری بدل دے وہ سجدہ تلاش کر
علامہ اقبالؒ

یہ علامہ اقبالؒ کے اشعار نہیں۔

 

[رباب واسطی]

یہ علامہ اقبالؒ کے اشعار نہیں۔

بروقت آگاہ کرنے کا شکریہ۔ شاعر کا نام درست کرکے لکھ دیا ہے

 

[زیرک]

ہنوز سینے کی چھوٹی سی قبر خالی ہے
اگرچہ اس میں جنازے کئی اتارے ہیں
اسلم کولسری

 

[جاسمن]

یہ ساری باتیں ہیں درحقیقت ہمارے اخلاق کے منافی
سنیں برائی نہ ہم کسی کی نہ خود کسی کو برا کہیں ہم
آتش بہاولپوری

 

[جاسمن]

پیار سے بڑھ کر نہیں دنیا میں کوئی روشنی
پی گئے یہ روشنی تو آئینہ ہوجاؤ گے
گفتگو میٹھی کرو، ہر شخص سے بڑھ کر ملو
دشمنوں کے واسطے بھی دلربا ہوجاؤ گے

 

[سیما علی]

ایک آنسو نے ڈبویا مجھ کو ان کی بزم میں
بوند بھر پانی سے ساری آبرو پانی ہوئی
ذوق

 

[سیما علی]

حیرت ہے کہ تعلیم و ترقی میں ہے پیچھے
جس قوم کا آغاز ہی اقراء سے ہوا تھا

 

[سیما علی]

کوئی بڑا کوئی چھوٹا یہ اس کی حکمت ہے
بڑا جہان میں تجھ کو بنا دیا اس نے
علامہ اقبال

 

[سیما علی]

نہیں ہے چیز نکمی کوئی زمانے میں
کوئی برا نہیں قدرت کے کارخانے میں
علامہ اقبال