سرِ ہستی وہ معجزہ ٹھہرا ۔۔۔۔۔۔کوثر سیوانی

[محسن وقار علی]

سرِ ہستی وہ معجزہ ٹھہرا
جس کے آگے نہ فلسفہ ٹھہرا

ایک سلجھے تو دوسرا اُلجھے
مسئلہ پھر بھی مسئلہ ٹھہرا

خود نمائی میں ٹوٹتے ہی گئے
شان ٹھہری نہ مرتبہ ٹھہرا

ذہن مائل بہ صلح کیا ہوتے
کب تضادوں کا سلسلہ ٹھہرا

رنگِ دنیا تو سیکھتے ہیں سبھی
اپنا اپنا مشاہدہ ٹھہرا

 

[محسن وقار علی]

عندلیب آپی نے بزم اردو پر شئیر کیا

 

[عندلیب]

شکریہ ۔

 

[سید زبیر]

عمدہ کلام کی شراکت کا شکریہ
خوش رہیں