سعد جمشید :::::رنج کا کب عِلاج کرتی ہے ::::: Saad -Jamshed

[طارق شاہ]

غزل
سعد جمشید

رنج کا کب عِلاج کرتی ہے
زندگی کل اور آج کرتی ہے

لوگ تیار کیوں نہیں ہوتے
سادگی احتجاج کرتی ہے

روز جیتے ہیں ،روز مرتے ہیں
زندگی کام کاج کرتی ہے

کیا بُزرگی سفید چڑیا ہے؟
ہر عمل اندراج کرتی ہے

شام ِ ہجراں اُداس لوگوں کا
ہرمرض لاعِلاج کرتی ہے

آؤ چلتے ہیں اُس کے رستے پر
زندگی پر جو راج کرتی ہے

سعد جمشید
کینیڈا
​

 

[یاسر شاہ]

یہ شعر ساقط الوزن ہے بزرگی کے غلط تلفّظ کی وجہ سے :

بزرگی کیا سفید چڑیا ہے؟
ہر عمل اندراج کرتی ہے

یوں درست ہوجائے گا

کیا بزرگی سفید چڑیا ہے؟
ہر عمل اندراج کرتی ہے

دیکھ لیجیے ٹائپو نہ ہو -

 

[طارق شاہ]

تشکّر نشاندہی کے لئے
کاپی پیسٹ کی تھی
درست کردی ہے
شاد رہیں