محسن نقوی سفر جاری رکھو اپنا........!!

[قرۃالعین اعوان]

یہ شیشیے کے غلافوں میں دھڑکتی ' سوچتی آنکھیں
نجانے کتنے پر اسرار دریاؤں کی گہرائی میں

​

بکھرے موتیوں کی آب سے نم ہیں​

پہاڑوں سے اترتی کہر میں لپٹا ہوا

یہ سانولا چہرہ!​

نجانے کتنی کجلائی ہوئی صبحوں کے سینے میں

مچلتی خواہشوں کا آئینہ بن کر​

دمکتا ہے !​

یہ چہرہ کرب کے موسم کی بجھتی دوپہر میں بھی

چمکتا ہے !​

یہ لب یہ تشنگی کی موج میں بھیگے ہوئے

"مرجاں"​

شعاعِ حرف جن سے پھوٹتی ہے سر خرو ہو کر !
یہ لب جب شعلئہ آواز کی حدت میں تپ کر مسکراتے ہیں

تو نادیدہ سرابوں کی جبیں پر​

بے طلب کتنے ستارے جھلملاتے ہیں​

یہ لب جب مسکراتے ہیں

تو پل بھر کو سکوتِ گنبدِ احساس​

خود سے گونج اٹھتا ہے !!!​

یہ پیکر
یہ حوادث کے مقابل بھی کشیدہ قامت و خوش پیرہن ' پیکر

کہ جیسے بارشوں کے رنگ برساتی ہوئی رت میں​

خرامِ ابر پر قوسِ قزاح نے​

اپنی انگڑائی چھڑک دی ہو!​

کوئی آواز!​

جب تنہا مسافت میں مرے ہمراہ چلتی ہے​

کوئی پرچھائیں​

جب میری بجھی آنکھوں میں چبھتے اشک چنتی ہے​

تو لمحہ بھر کو رک کر سوچتا ہوں میں​

کہ اس تنہا مسافت میں​

کسی صحرا میں سائے بانٹتے اشجار کی خوشبو ہے​

یا تم ہو۔۔۔!​

یہ تم ہو یا تمنا کے سفر میں​

حوصلوں کا استعارہ ہے ؟​

یہ تم ہو یا طلب کی رہگزر میں​

گم ستارہ ہے​

ہوا تم سے الجھتی ہے​

کہ تم اپنی ہتھیلی پرمشقت کا دیا بجھنے نہیں دیتے !​

حریفانِ قلم۔۔۔۔نالاں​

کہ تم ان کی کسی سازش پہ کیوں برہم نہیں ہوتے؟​

ادب کے تاجرانِ حرص پیشہ سر بہ زانو ہیں​

کہ تم اہلِ ہنر کے ریزہ ریزہ خواب​

اپنی جاگتی آنکھوں سے چن کر​

سانس کے ریشم میں​

کیوں اتنی مشقت سے پروتے ہو​

مگر جاناں تمہیں کیا؟​

تم سفر جاری رکھو اپنا​

سفر میں سنگ باری سے لہو ہونا​

جگر کے زخم سے رستے لہو سے آبلے دھونا۔۔۔۔​

ازل سے ہم غریبانِ سفر کی اک روایت ہے !​

تمہیں کیا تم سفر جاری رکھو اپنا۔۔۔!​

تمہاری آبلہ پائی کا عنواں نارسائی ہے​

تمہیں آتا ہے دشمن کے لیئے وقفِ دعا رہنا​

اندھیروں سے الجھنا۔۔۔سنگباری کی رتوں میں بے قبا رہنا​

تمہیں آتا ہے ۔۔۔۔یوں بھی زخم کھاکر مسکرا دینا​

تمہیں آتا ہے​

گردِ روز و شب سے "ماورا" رہنا​

​

(میری بے حد پسندیدہ نظم )​

​

​

 

[مائرہ]

تمہیں کیا تم سفر جاری رکھو اپنا۔۔۔ !​

تمہاری آبلہ پائی کا عنواں نارسائی ہے​

تمہیں آتا ہے دشمن کے لیئے وقفِ دعا رہنا​

اندھیروں سے الجھنا۔۔۔ سنگباری کی رتوں میں بے قبا رہنا​

تمہیں آتا ہے ۔۔۔ ۔یوں بھی زخم کھاکر مسکرا دینا​

تمہیں آتا ہے​

گردِ روز و شب سے "ماورا" رہنا​

بہت عمدہ پسند ہے آپ کی​

 

[قرۃالعین اعوان]

تمہیں کیا تم سفر جاری رکھو اپنا۔۔۔ !​

تمہاری آبلہ پائی کا عنواں نارسائی ہے​

تمہیں آتا ہے دشمن کے لیئے وقفِ دعا رہنا​

اندھیروں سے الجھنا۔۔۔ سنگباری کی رتوں میں بے قبا رہنا​

تمہیں آتا ہے ۔۔۔ ۔یوں بھی زخم کھاکر مسکرا دینا​

تمہیں آتا ہے​

گردِ روز و شب سے "ماورا" رہنا​

بہت عمدہ پسند ہے آپ کی​

بہت شکریہ!

 

[سید زبیر]

زبدست انتخاب

تمہیں آتا ہے دشمن کے لیئے وقفِ دعا رہنا​

اندھیروں سے الجھنا۔۔۔ سنگباری کی رتوں میں بے قبا رہنا​

بہت اعلیٰ​

 

[قرۃالعین اعوان]

زبدست انتخاب

تمہیں آتا ہے دشمن کے لیئے وقفِ دعا رہنا​

اندھیروں سے الجھنا۔۔۔ سنگباری کی رتوں میں بے قبا رہنا​

بہت اعلیٰ​

شکریہ!