احمد ندیم قاسمی سلام بحضور حضرت امام حسینؓ - سبھی عکس تیریؑ شبیہ کے

[فقیر شبّیر احمد چشتی]

"سلام بحضور امام عالی مقام حضرت امام حسینؓ "
احمد ندیم قاسمی

سبھی عکس تیریؑ شبیہ کے
مِرے دِل میں ھیں، مِرے پاس ھیں
تِراؑ صدق تیرا وجوُد ھے
تِرےؑ زخم تیرا لباس ھیں

وہ ھیں لفظ کتنے گراں بہا
جو نبھا سکیں تِراؑ تذکرہ
مِرے آنسوؤں کو قبول کر
یہی میرے حرفِ سپاس ھیں

یہ خیال ھے نہ قیاس ھے
تِرا غم ھی میری اساس ھے
جنہیں لو لگی ھو حُسینؑ کی
وھی میرے درد شناس ھیں

جسے صرف حق ھی قبوُل ھو
یہی جس کا اصلِ اُصول ھو
جو نہ بِک سکے، جو نہ جُھک سکے
اُسے کربلائیں ھی راس ھیں

وہ جو نوُرِ چشمِ بتوُلؑ تھا
جو گُلِ ریاضِ رسوُلؐ تھا
اُسی ایک شخص کے قتل سے
مِری کتنی صدیاں اُداس ھیں

مجموعہ کلام: انوارِ جمال
صفحہ 107


احمد ندیمؔ قاسمی
​

 

[الف نظامی]

وہ ہیں لفظ کتنے گراں بہا ، جو نبھا سکیں تِراؑ تذکرہ
مِرے آنسوؤں کو قبول کر ، یہی میرے حرفِ سپاس ہیں​