سموسے پر 13.5 فیصد ٹیکس کا ’فیصلہ‘

[arifkarim]

سموسے پر 13.5 فیصد ٹیکس کا ’فیصلہ‘

اطلاعات کے مطابق بھارت کی غریب ترین ریاستوں میں سے ایک ریاست کی حکومت سموسوں کو ’پُرتعیش‘ قرار دے کر ٹیکس لاگو کرنے کا فیصلہ کیا ہے۔
این ڈی ٹی وی کی ویب سائٹ کے مطابق بھارت کی شمالی ریاست بہار کی انتظامیہ نے عوامی سطح پر کھائے جانے والے سادہ سے کھانے کو اُن 23 اشیا کی فہرست میں شامل کیا ہے جن پر 13.5 فی صد ٹیکس لگایا جائے گا۔
فہرست میں موجود دیگر اشیا جنھیں وزیرِ اعلیٰ نتیش کمار کی زیرِ صدارت اجلاس میں منظور کیا گیا تھا، میں مچھر مار دوا، سنگھار کا سامان اور 500 روپے فی کلو سے زائد قیمت والی تمام مٹھایاں شامل ہیں۔
این ڈی ٹی وی کے مطابق اس ٹیکس سے حاصل ہونے والی اضافی آمدنی سے ریاست کے ترقیاتی منصوبوں میں استعمال ہو گی۔
ممبئی سے نکلنے والے ایک اخبار ’دا اکنامک ٹائمز‘ کی رپورٹ کے مطابق یونیسیف اور ورلڈ بینک کی جانب سے قرار دی گئی ملک کی غریب ترین ریاستوں میں سے ایک ریاست بہار، حکومت کی جانب سے سڑکوں، ریل، بجلی اور گیس کی فراہمی کے منصوبوں کے لیے 1.65 کھرب روپے لاگت کے ترقیاتی پیکج حاصل کرنے کے عمل میں ہے۔
لیکن ریاستی حکومت مکمل طور پر ٹیکس آمدنی میں اضافے کا ارادہ نہیں رکھتی۔ اس بات کے مظاہرے کے لیے اسی ریاست کے کابینہ اجلاس کے دوران عنقریب آنے والی بالی وڈ فلم چاک اینڈ ڈسٹر کو تفریحی ٹیکس سے مستثنیٰ کرنے کا فیصلہ کیا گیا ہے۔
یہ فلم ممبئی کے ہائی سکول میں کام کرنے والے دو اساتذہ کے متعلق ہے۔ اور بہار کی کابینہ کا کہنا ہے کہ کابینہ اس کے ’مضبوط سماجی پیغام‘ کی حمایت کرتی ہے۔
http://www.bbc.com/urdu/regional/2016/01/160115_bihar_samosa_tax_rh

افضل حسین الف عین عبدالحفیظ

 

[arifkarim]

ابن سعید شاید اگلا نشانہ آپکے کیلے کے پکوڑے نہ ہوں

 

[اوشو]

چٹنی تو مفت رہے گی نا

 

[arifkarim]

چٹنی تو مفت رہے گی نا

حکومت کا کیا ہے۔ جس مرضی چیز پر ٹیکس لگا کر عوام کا خون نچوڑ لیں۔ ویسے کیا یہ بہتر نہیں کہ سیدھا ڈاکہ قومی سینٹرل بینک میں مارا جائے بجائے لوگوں کی جیبوں میں؟

 

[افضل حسین]

واقعی سموسے کھانا سے زیادہ پرتعیش کیا ہوسکتاہے

 

[فاتح]

مجھے سموسوں کے پر تعیش ہونے سے زیادہ حیرت اس بات پر ہے کہ مچھر مار دوا کے ذریعے خود کو ملیریا سے بچانے کی کوشش کرنا بھی عیاشی کے زمرے میں آتا ہے۔ واہ! یہ ہوتی ہیں پڑھی لکھی عوامی حکومتیں۔
جس چیز پر حکومت کی جانب سے سبسڈی ملنی چاہیے اس پر عیاشی ٹیکس لاگو کر دیا گیا

 

[سارہ خان]

لوگ سموسے کے بجائے رول کھانا شروع کر دیں گے ۔۔ پھر رول پر ٹیکس پھر سینڈوچز پر ۔۔ کس کس چیز پر ٹیکس لگائے گی حکومت ۔۔۔

 

[عثمان قادر]

مجھے سموسوں کے پر تعیش ہونے سے زیادہ حیرت اس بات پر ہے کہ مچھر مار دوا کے ذریعے خود کو ملیریا سے بچانے کی کوشش کرنا بھی عیاشی کے زمرے میں آتا ہے۔ واہ! یہ ہوتی ہیں پڑھی لکھی عوامی حکومتیں۔
جس چیز پر حکومت کی جانب سے سبسڈی ملنی چاہیے اس پر عیاشی ٹیکس لاگو کر دیا گیا

غریب کی عیاشیوں کو بیماری لگ گئی ۔۔۔۔۔

 

[زیک]

بہار کی حکومت سے ایسی ہی توقع کی جا سکتی تھی