نبیل
تکنیکی معاون
آج مجھے اتفاقاً سندھ سلامت فورم کا پتا چلا جو کہ ایک سندھی یونیکوڈ فورم ہے۔ اگرچہ یہ اپنی نوعیت کی پہلی سندھی فورم نہیں ہے۔ محفل فورم کے ایک رکن نے اس سے پہلے بھی ایک سندھی فورم سیٹ اپ کی تھی لیکن سندھ سلامت غالباً پہلی سندھی فورم ہے جو کہ وی بلیٹن پر مبنی ہے۔ اس فورم پر کافی محنت کی گئی لگتی ہے۔ اس کے انٹرفیس کا بڑا حصہ سندھی میں ترجمہ شدہ ہے۔ اس فورم میں سندھی لکھنے کے لیے سندھی اوپن پیڈ کا استعمال کیا گیا ہے۔ مجھے لگتا ہے کہ اس فورم پر قوم پرستی کا عنصر غالب ہوگا، پھر بھی مجھے اس بات کی خوشی ہے کہ سندھی زبان کی ترویج و ترقی کے لیے کچھ لوگ متحرک ہیں۔
