آج بہت دنوں بعد اس طرف آنا ہوا تو اس تھریڈ پر نظر پڑی ۔ لب لباب اس گفتگو کا جو سامنے آیا وہ کچھ یوں تھا کہ کچھ ساتھی ملک میں ہونے والی ایسی شورشوں کو جنہیں مذہب کا لبادہ اوڑھا کر مسلمان کیا گیا ہے کو جہاد بتاتے ہیں جبکہ کچھ ساتھی حکومت کی کاروائی کو عوام سے ہونے والی زیادتیوں کا نتیجہ بتاتے ہیں ۔ ،میرا ذاتی خیال بحیثیت فیصل ہونے کے کچھ ایسے ہے سوات اور وزیرستان کو آپ علیحدہ نہیں کہ سکتے ۔ دونوں جگہ ایک ہی انداز سے کاروائیاں کی جارہی ہیں ۔ دونوں جگہ ایک ہی ٹیم حکومت کے خلاف برسر پیکار ہے ۔ کیا وجہ ہے کہ عوام کو حکومت کے خلاف ہتھیار اٹھانے پڑے ۔ کیا وجہ ہے کہ حکومت کو دہشت گردوں کا صفایا کرنے کے لیئے آپریشن کرنا پڑا ۔ گمراہ ملا اسلام کے نام کو ایک ہتھیار کے طور پر استعمال کر رہا ہے اور معصوم لوگوں کو اسلام کی خدمت کا لالی پاپ دیکر حرام موت مرنے پر آمادہ کر رہا ہے میرا سوال ہے کہ اگر خود کش حملے اتے ہی بابرکت اور نیک عمل ہیں تو آج تک انکے کمانڈرز خود کیوں حملہ نہیں کرتے ۔ خس کم جہاں پاک ( مجھے طالبان کو جس قدر قریب سے دیکھنے کا موقع ملا شاید آپ لوگوں میں سے کسی کو بھی ایسا موقع نہ ملا ہو ۔ 11 ستمبر کے بعد بھی اور اس سے قبل بھی طالبان کے زعماء کے ساتھ رہنے ۔ کھانے پینے ۔ تقریبا ہر موضوع پر گفتگو کرنے سے لیکر انکے پیش کردہ اسلام کے مطالعے کا بھی موقع ملا ہے) ۔ دوسرے فرقے کے لوگوں کو قتل کرنے اور اسکی ویڈیو بنانے سے پہلے ایک آیت منافقوں کے خلاف ضرور چلا لینا ۔ اب پتہ نہیں سیاق سباق کے مطابق کون مطلوب تھا مگر مقتول تو اٹھ کر صفائی نہیں دے گا ۔ پاکستانی فوجیوں کو سروں میں گولیاں مار کر ڈھائی ڈھائی انچ کے سوراخوں پر کیمرہ فوکس کرکے اللہ اکبر کے نعرے لگانے والے بناسپتی مسلمان ۔ اپنے قیدیوں کو جاسوسی کے الزام میں سزائے موت دینے سے پہلے ان سے ایک مکمل بیان ان کی جاسوسیوں کے اعتراف اور بناسپتی ملاؤں کی تعریف والا ضرور ویڈیو ریکارڈ کر لینا ۔ ایک ملک میں چلتے ہوئے شہریوں میں خودکش حملہ کرکے 139 افراد کو قتل کرکے کس اسلام کی خدمت کی جاتی ہے ۔ فرقہ طالبانی کا اسلام زندہ باد ۔ دیگر (توبہ نعوذ باللہ) منافق ، (توبہ نعوذ باللہ)مشرک اور کفار کے حلیفوں کے لیبل تو ان کے پاس تیار پڑے ہوتے ہیں ۔ فرمایا گیا کہ حکومت خفیہ ایجنسیوں سے کام لے ۔ تو جو لوگ حکومت یا پاکستان کی بات کریں وہ انکے مخالف ٹھہرے اور مخالف تو ہے ہی منافق واجب القتل جہاں ملے مار ڈالو تو کون موت کو آواز دے گا جہاں ساتھ میں یہ تڑکا بھی لگا ہوا ہو کہ طالبان کے خلاف بات اسلام کے خلاف بات ہے۔اور انکا مخالف اسلام کا مخالف اور اسلام کا مخالف مرتد ہے اور مرتد کی سزا موت ہے ارے ہاں اس سزا سے پہلے پروپیگنڈہ کا میٹیریل ضرور حاصل کر لینا ۔ حکومت کسی کو مارے تو کیونکہ اسے اپنے کئے کا حساب دینا ہوتا ہے لہذا ثبوت لائیے کہ آپ کے اوپر فائرنگ ہوئی تھی مگر جب حکومتی اہلکاروں کو مارا جائے تو باوجود ویڈیو ثبوتوں کے کاروائی کرنے پر حکومت مردہ باد ۔ بھاری اسلحہ کون استعمال کر رہا ہے اور کس کے خلاف فوج کی تو بات ہی نہ کریں ایک پولیس والے پر گولی چلا کر آپ پولیس مقابلے کی دعوت دیتے ہیں کیونکہ آپ ایک نظام کو ایک ملک کو للکار رہے ہوتے ہیں اور نتیجہ گرفتاری یا مقابلے میں موت ہے تو کیسے تصور کر سکتے ہیں کہ پولیس تھانوں کو آگ لگا کر ۔ فوجیوں کو یرغمال بناکر ۔ ان میں کچھ کو ذبح کرکے ۔کچھ کے سروں میں گولیاں مارکے ویڈیو بنا کر انٹر نیٹ پر لوڈ کر کے اور دنیا بھر میں دکھا کر اور مسلمانوں کی موت پر اللہ اکبر کے نعرے لگانے والوں کے خلاف کاروائی نہ ہوگی ۔
معاف کیجئے گا اگر یہ لوگ آپ کی نظر میں مظلوم ہیں تو پھر ظالم کسے کہیئے گا ۔
حوالہ جات
[ame]http://www.youtube.com/watch?v=rycvpKfcB7M[/ame]
[ame]http://www.youtube.com/watch?v=N_kDBEJRDpI[/ame]
نیچے والی فلم میں فوجی کو اس لئے ذبح کیا گیا کہ وہ شیعہ مسلک سے تعلق رکھتا تھا کمزور دل حضرات سے گزارش ہے کہ اس فلم کو مت دیکھیں انتہائی سخت ہے
[ame]http://www.youtube.com/watch?v=vp3AlYauiaI&feature=related[/ame]
گرفتار فوجیوں سے مرضی کے سوالات اور انکے جوابات کا عمل نیچے والے لنک پر ہے
[ame]http://www.youtube.com/watch?v=1AP7IuT6_ww&feature=related[/ame]
یہ لوگ اپنے بچوں کو کیا تربیت دیتے ہیں جب ایسی جگہوں پر کوئی کاروائی کی جاتی ہے تو پھر معصوم بچوں کا بہانہ بنا کر پروپیگنڈہ کیا جاتا ہے کہ جی یہ ٹریننگ فیسیلیٹی نہیں تھی بلکہ ایک عام سا سادہ سا مدرسہ تھا
[ame]http://www.youtube.com/watch?v=QLsUyX0q9QM[/ame]
خودکش حملوں سے طالبان کا تعلق نہ بتانے والوں کے لئے یہ ثبوت حاضر ہے
[ame]http://www.youtube.com/watch?v=oC6xcwjI1RY[/ame]
جنکا یہ بیان ہے کہ وزیرستان میں غیر ملکی نہیں ہیں یا نہیں تھے ان کے لئے ثبوت
[ame]http://www.youtube.com/watch?v=XTLrHvcEqiY[/ame]
سوات کے طالبان کا میڈیا پریزینٹیشن
[ame]http://www.youtube.com/watch?v=7GMUoxwHOIY[/ame]
ان لوگوں کی مخالفت کرنے والا بقول انکے منافق ۔ مرتد ۔ یہودی ۔ نصرانی اور واجب القتل ہے ۔ اسلام کا درست اور اصلی ٹھیکیدار یہی گروپ ہے ۔
یہی لوگ جب اپنے ملکوں میں ہوتے ہیں تو اپنے فاسق اور ظالم حکمرانوں کے خلاف آواز تک نہیں اٹھاتے کیونکہ انکے مطابق وہ ولی الامر ہیں اور حکم ہے کہ " و اطیعو اللہ واطیعو الرسول و ولی امرکم" لہذا یہاں حکم اور ہوتا ہے ۔ مگر پاکستان کے متعلق پاکستانی بھائیوں کو اسلام کے لئے سر کٹانے اور اپنے ہی دوسرے بھائیوں کے سر کاٹنے پر آمادہ کرنا عین عبادت کے مترادف ہے ۔ الحمدللہ آج بھی پاکستان میں کسی بھی عربی ملک سے زیادہ آزادی اور اسلامی ماحول ہے بشمول xxxxx xxx کے جسے ہماری عوام نمازیوں اور عبادت گزاروں کا ملک سمجھتے ہیں ۔ صرف یہاں ٹخنوں پر چھڑیاں نہیں ماری جاتی اور خواتین گاڑی چلا سکتی ہیں ۔
