اصل میں صحافیوں میں ہم کو بہت حسد ہے نذیر ناجی سے۔ ہمارا بھی جی کرتا ہے کہ زرداری صاحب ہمارے گھر آئیں ہمارے بچوں کو گود میں لیں اور ہم گھڑی پکڑے ٹائم نوٹ کر کے کالم لکھیں کہ 47 منٹ اور 56 سیکنڈ تک ہمارے پوتے کو گود لیا زرداری صاحب نے اور ہم بطور احسان شناسی جب تک زرداری صاحب بھاری ہیں ان کی گود میں رہیں گے وغیرہ وغیرہ۔
مزید یہ بھی لکھیں کہ کھانے کا خرچہ ہم نے خود اٹھایا بعد میں زرداری صاحب اٹھائیں گے۔
لیکن افسوس صد افسوس اس میں پہلا ہی مسئلہ یہ ہے کہ پوتا تو ایک طرف، ہمارا تو کوئی بیٹا بھی نہیں ہے۔ بلکہ بیوی بھی نہیں ہے۔
تو ہمیں یہ احساس ہوچلا ہے کہ صحافتی کیرئیر کی سب سے بڑی رکاوٹ تو یہ ہے۔ ہم والدین کو جلد ہی اس طرف توجہ دلاؤ نوٹس بھیجتے ہیں
