جوش سوزِ غم دے کے مجھے اس نے یہ ارشاد کیا - جوش ملیح آبادی

[محمد وارث]

شکریہ کاشفی صاحب، مکمل غزل کیلیے۔

 

[عظیم اللہ قریشی]

شہزادہ صاحب آپ واقعی ہی شہزادے ہیں
حضور کچھ اشعار کی تشریح ہوہی نہیں سکتی ہے۔۔۔۔۔دراصل ان کے محبوب نے کچھ ایسی ادا سے کچھ کہا ہوگا جو کہ ان کے دل میں گھر کرگیا۔۔۔۔۔۔۔۔مثلا جہانگیر جب شہزادہ سلیم تھا تو کیسے کیسے پری چہرہ اور بت طناز ارد گرد ہونگے لیکن وہ نورمحل(نورجہاں) کی صرف ایک ادا سے گھائل ہوگیا کہ جب اس نے پوچھا کہ کبوتر کیسے اڑا تو نور محل نے دوسرا کبوتر بھی اڑا کر کہا کہ ایسے۔۔۔۔

 

[عظیم اللہ قریشی]

خرم شہزاد خرم صاحب ! ایک شعر یا غزل آپ نے بھی سنی ہوگی
محبت کرنے والے کم نہ ہونگے
تیری محفل میں لیکن ہم نہ ہونگے
زمانے بھر کا غم اور ایک تیرا غم
یہ غم ہوگا تو کتنے غم نہ ہونگے
دراصل خرم شہزاد خرم صاحب یہ کیفیات کی بات ہے اب یہ غزل کسی مغنی / مغنیہ کی آواز میں سن کریا کسی کتاب میں پڑھ جس بندے کے ساتھ ایسے حالات گزرے ہونگے وہ جھوم اٹھے گا اور اُس کو ایسا لگے گا کہ جیسے شاعریا Singer اس کی کہانی سنا رہا ہے۔۔۔۔۔خصوصا اس شعر کی تو کیا ہی بات ہے کہ زمانے بھر کا غم اور اک تیرا غم۔۔۔۔۔اور پھر مہدی حسن نے تو اس حفیظ ہوشیار پوری کی اس غزل کو گا کر امر کردیا ہے۔
ملاحظہ کیجئے لنک۔

 

[محمداحمد]

بہت شکریہ کاشفی بھائی! مکمل غزل کےلئے۔

خوش رہیے۔

 

[کاشفی]

بہت شکریہ محمد وارث صاحب!

بہت شکریہ محمد احمد بھائی!

بہت شکریہ سخنور صاحب!

 

[کاشف اکرم وارثی]

​

​

سوزِ غم دے کر مجھے اس نے یہ ارشاد کیا​

جا تجھے کشمکشِ دہر سے آزاد کیا​

​

وہ کریں بھی تو کن الفاظ میں تیرا شکوہ​

جن کو تیری نگہِ لطف نے برباد کیا​

​

دل کی چوٹوں نے کبھی چین سے رہنے نہ دیا​

جب چلی سرد ہوا، میں نے تجھے یاد کیا​

​

اے میں سو جان سے اس طرزِ تکلم کے نثار​

پھر تو فرمائیے، کیا آپ نے ارشاد کیا​

​

اس کا رونا نہیں کیوں تم نے کیا دل برباد​

اس کا غم ہے کہ بہت دیر میں برباد کیا​

​

اتنا مانوس ہوں فطرت سے، کلی جب چٹکی​

جھک کے میں نے یہ کہا، مجھ سے کچھ ارشاد کیا​

​

مجھ کو تو ہوش نہیں تم کو خبر ہو شاید​

لوگ کہتے ہیں کہ تم نے مجھے برباد کیا​

​

​

غزل از جوش ملیح آبادی​

​

​

​

​

 

[سیما علی]

سوزِ غم دے کے مجھے اس نے یہ ارشاد کیا
جا تجھے کشمکشِ دہر سے آزاد کیا

وە کریں بھی تو کن الفاظ میں تیرا شکوە
جن کو تیری نگہِ لطف نے برباد کیا

دل کی چوٹوں نے کبھی چین سے سونے نہ دیا
جب چلی سرد ہوا میں نے تجھے یاد کیا

اسکا رونا نہیں کیوں تم نے کیا دل برباد
اسکا غم ہے کہ بہت دیر میں برباد کیا

اتنا معصوم ہوں فطرت سے کلی جب چٹکی
جھک کے میں نے کہا مجھ سے کچھ ارشاد کیا ؟

میری ہر سانس ہے اس بات کی شاھد اے موت
میں نے ہر لطف کے موقعہ پہ تجھے یاد کیا

مجھکو تو ہوش نہیں تجھ کو خبر ہو شاید
لوگ کہتے ہیں کہ تو نے مجھے برباد کیا

وە تجھے یاد کرے جس نے بھلایا ہو تجھے
ہم نے تجھ کو بھلایا نہ کبھی یاد کیا

کچھ نہیں اس کے سوا جوش حریفوں کا کلام
وصل نے شاد کیا ہجر نے ناشاد کیا