سُرُور بارہ بنکوی " اور کوئی دَم کی ہے مہماں گزر جائے گی رات "

[طارق شاہ]

غزلِ
سُرُور بارہ بنکوی

اور کوئی دَم کی ہے مہماں گزر جائے گی رات
ڈھلتے ڈھلتے آپ اپنی موت مرجائے گی رات

زندگی میں اور بھی کچھ زہر بھرجائے گی رات
اب اگر ٹھہری، رگ و پے میں اترجائے گی رات

ہے اُفق سے ایک سنگِ آفتاب آنے کی دیر
ٹوٹ کر مانندِ آئینہ بکھر جائے گی رات

ہم تو جانے کب سے ہیں آوارۂِ ظُلمت مگر
تم ٹھہرجاؤ تو پل بھر میں گزر جائے گی رات

رات کا انجام بھی معلُوم ہے مُجھ کو سُرُور
لاکھ اپنی حد سے گزرے تاسحر، جائے گی رات

سُرُور بارہ بنکوی​

 

[محمد وارث]

شکریہ جناب خوبصورت غزل ارسال فرمانے کیلیے۔

 

[مہ جبین]

بہت خوب کلام طارق شاہ بھائی

 

[جنید اقبال]

ہم تو جانے کب سے ہیں آوارۂِ ظُلمت مگر
تم ٹھہرجاؤ تو پل بھر میں گزر جائے گی رات

 

[سید زبیر]

زندگی میں اور بھی کچھ زہر بھرجائے گی رات
اب اگر ٹھہری، رگ و پے میں اترجائے گی رات
واہ ۔ ۔ ۔بہت خوب ۔ ۔ ماشا اللہ کیا عمدہ انتخاب پیش کیا ہے ۔ ۔۔جزاک اللہ

 

[طارق شاہ]

شکریہ جناب خوبصورت غزل ارسال فرمانے کیلیے۔

جناب وارث صاحب!
خوشی ہوئی کہ انتخاب آپ کو پسند آیا
اظہارِ خیال اور ترسیل پر داد کے لئے آپکا ممنون و متشکّر ہوں
بہت خوش رہیں

 

[طارق شاہ]

بہت خوب کلام طارق شاہ بھائی

بہت ممنوں ہوں اظہارِ خیال اور اس ستائشِ انتخاب پر بہنا
خوشی ہوئی جو غزل آپ کو پسند آئی
تشکّر
بہت خوش رہیں

 

[طارق شاہ]

ہم تو جانے کب سے ہیں آوارۂِ ظُلمت مگر
تم ٹھہرجاؤ تو پل بھر میں گزر جائے گی رات

تشکّر جناب

 

[طارق شاہ]

زندگی میں اور بھی کچھ زہر بھرجائے گی رات
اب اگر ٹھہری، رگ و پے میں اترجائے گی رات
واہ ۔ ۔ ۔بہت خوب ۔ ۔ ماشا اللہ کیا عمدہ انتخاب پیش کیا ہے ۔ ۔۔جزاک اللہ

بہت شکریہ سید صاحب انتخاب کی پذیرائی کا
خوشی ہوئی کہ آپ کے معیار پر پورا اترا
بہت خوش رہیں