سُورج

[جاسمن]

اس کی جرأت کو عجب معجزہ کرتے دیکھا
دو بجے رات کے، سورج کو ابھرتے دیکھا
آفتاب اقبال شمیم

 

[جاسمن]

اس کو سورج کا، ستاروں کا پیام آتاہے
خود اُجالے کو اُجالوں کا سلام آتا ہے
فیاض فاروقی

 

[جاسمن]

شہر امید بساتا ہے یہ آکر سورج
شام ہوتی ہے توسب خیمے اکھڑجاتے ہیں
فیاض فاروقی

 

[جاسمن]

کیوں نہ سورج کی تمازت کا بھرم رکھنے کو
نرم چھاؤں میں کڑی دھوپ ملالی جائے
علینا عترت

 

[ذوالقرنین رضا اسیر]

یہی سبق دیتا ہے ہر شام کا سورج اقبال
مغرب کی طرف جاؤ گے تو ڈوب جاؤ گے

 

[محمد خلیل الرحمٰن]

یہی سبق دیتا ہے ہر شام کا سورج اقبال
مغرب کی طرف جاؤ گے تو ڈوب جاؤ گے

یہ تو اقبال مستری کا شعر ہے

 

[ذوالقرنین رضا اسیر]

یہ تو اقبال مستری کا شعر ہے

ہممممممممم

 

[جاسمن]

ڈوبتے ڈوبتے سورج نے سیہ شب سے کہا
چاند اُبھرا بھی تو کیا،لختِ جگر اپنا ہے

 

[جاسمن]

وہ لوگ جن کو دھوپ سے نفرت بلا کی تھی
نکلا نہ آفتاب تو چھاؤں سے چل بسے
اختر ملک

 

[مومن فرحین]

تیرے چہرے کی کشش تھی کہ پلٹ کر دیکھا
ورنہ سورج تو دوبارہ نہیں دیکھا جاتا

 

[جاسمن]

یاس کی رات کٹی آس کا سورج چمکا
پھر بھی چمکے نہ کسی روز سویرے دل میں
عبدلروف عروج

 

[جاسمن]

یہ سوچتے ہوئے سورج نے آنکھ جھپکائی
فصیل شب سے پرے کوئی انتظار میں ہے
ازور شیرازی

 

[جاسمن]

جگنوؤں نے شراب پی لی ہے
اب یہ سورج کو گالیاں دیں گے

 

[لاريب اخلاص]

پسینے بانٹتا پھرتا ہے ہر طرف سورج
کبھی جو ہاتھ لگا تو نچوڑ دوں گا اسے
راحت اندوری

 

[گُلِ یاسمیں]

سورج کے ساتھ میرا دل بھی ڈوب گیا آج
اتنا اداس شام کا منظر کبھی نہ تھا

 

[گُلِ یاسمیں]

سورج کے ڈوب جانے کا مجھ کو ببی ہے ملال
ماتم کناں نہ ہوں وہ جلائیں چراغ اب

 

[گُلِ یاسمیں]

سورج کا میں طواف تو کرتا ہوں اس لئے
دنیا مجھے بھی چاند ستارہ کہا کرے

 

[جاسمن]

چاند ستارہ!!

 

[جاسمن]

تری جدائی کے کتنے سورج افق پہ ڈوبے مگر ابھی تک
خلش ہے سینے میں پہلے دن سی لہو میں ویسی ہی وحشتیں
اعتبار ساجد