حفیظ تائب سیدِ انس و جاں کا کرم ہوگیا ۔۔۔ حفیظ تائب

[الف نظامی]

سیدِ انس و جاں کا کرم ہوگیا
دور سر سے میرے بارِ غم ہوگیا

میں کہ تھا منتشر جادہ ء زیست پر
آپ کی اک نگہ سے بہم ہوگیا

وہ تبسم فشاں لب جو یاد آگئے
مندمل زخمِ تیغِ الم ہوگیا

اسمِ سرکار ہونٹوں پہ آیا مرے
آنکھ پرنم ہوئی سر بھی خم ہوگیا

سیلِ اشکِ ندامت میں وہ زور تھا
دفترِ معصیت کالعدم ہوگیا

لغزشوں پر مری چشمِ رحمت ہوئی
جادہ ء حق میں ثابت قدم ہوگیا

خطبہ ء آخریں وہ لب وا ہوئے
اور منشورِ عالم رقم ہوگیا

دور تائب کے دل سے ہوں آلائشیں
پاک جیسے بتوں سے حرم ہوگیا

از مجدد نعت حفیظ تائب رحمۃ اللہ علیہ​

 

[محمد وارث]

شکریہ نظامی صاحب خوبصورت نعت شیئر کرنے کیلیے!

 

[آبی ٹوکول]

حق کیا ہی بات ہے ۔۔
خطبہ ء آخریں وہ لب وا ہوئے
اور منشورِ عالم رقم ہوگیا

 

[شاہ حسین]

بہت خؤبصورت نعت ہے جناب الف نظامی صاحب ۔ جزاک اللہ

 

[الف نظامی]

چھوٹاغالبؔ