سید صبیح الدین صبیح الرحمانی : محشر میں مرا رہ جائے بھرم اﷲ کرم، اﷲ کرم

[سید زبیر]

حمد باری تعالیٰ​

حاضر ہیں ترےدربار میں ہم اﷲ کرم، اﷲ کرم
دیتی ہےصدا یہ چشم نم، اﷲ کرم، اﷲ کرم​

ہیبت سےہر اک گردن خم ہے ہر آنکھ ندامت سےنم ہے
ہر چہرے پہ ہے اشکوں سےرقم، اﷲ کرم، اﷲ کرم​

جن لوگوں پہ ہے انعام تیرا ان لوگوں میں لکھ دے نام میرا
محشر میں مرا رہ جائے بھرم اﷲ کرم، اﷲ کرم​

ہر سال طلب فرما مجھ کو ہر سال یہ شہر دکھا مجھ کو
ہر سال کروں میں طوافِ حرم، اﷲ کرم، اﷲ کرم​

میری آنےوالی سب نسلیں ترےگھر آئیں ترا در دیکھیں
اسباب ہوں اُن کو ایسےبہم، اﷲ کرم، اﷲ کرم​

اس ورد میں عمر کٹےساری، ہونٹوں پہ صبیح رہےجاری
اﷲ کرم، اﷲ کرم، اﷲ کرم، اﷲ کرم​

: سید صبیح الدین صبیح الرحمانی

 

[عاطف بٹ]

سبحان اللہ، بہت ہی خوبصورت کلام ہے۔
جزاک اللہ خیراً سر۔

 

[فرحان دانش]

سبحان اللہ

 

[پپو]

جزاک اللہ​

 

[سیدہ شگفتہ]

سبحان اللہ