عاطف بٹ
محفلین
شاخِ مژگاں کا ثمر مانگتا ہے
عشق بھی لعل و گہر مانگتا ہے
کوئی غم دینے لگا ہے دستک
دل کا در کھول یہ گھر مانگتا ہے
آنسوؤں کو میں کہاں تک روکوں
قافلہ اذنِ سفر مانگتا ہے
ایک تھمنے نہیں پاتا آشوب
شہر آشوبِ دگر مانگتا ہے
سازشی ہے یہ زمانہ کتنا
پاؤں پڑتا ہے تو سر مانگتا ہے
ایک انداز سے زندہ رہنا
ایک اندازِ نظر مانگتا ہے
آئینہ خانہ ہے دنیا انور
سانس لینا بھی ہنر مانگتا ہے
عشق بھی لعل و گہر مانگتا ہے
کوئی غم دینے لگا ہے دستک
دل کا در کھول یہ گھر مانگتا ہے
آنسوؤں کو میں کہاں تک روکوں
قافلہ اذنِ سفر مانگتا ہے
ایک تھمنے نہیں پاتا آشوب
شہر آشوبِ دگر مانگتا ہے
سازشی ہے یہ زمانہ کتنا
پاؤں پڑتا ہے تو سر مانگتا ہے
ایک انداز سے زندہ رہنا
ایک اندازِ نظر مانگتا ہے
آئینہ خانہ ہے دنیا انور
سانس لینا بھی ہنر مانگتا ہے
