شاعروں کے مسائل پر ایک غزل

[محمد خلیل الرحمٰن]

شاعروں کے مسائل پر ایک غزل
محمد خلیل الرحمٰن

مرنے کے بعد ہم کو بھی رُسوا نہ کیجیو!
کہیو غزل نہ کوئی ہماری زمین میں

اپنی زمین ہم نے رجسٹر کرائی تھی
احباب اُس کو لے گئے ایران و چین میں

یاروں نے قافیے بھی اچھوتے ہی گھڑ لیے
اور ہم پھنسے ہوئے ہیں اسی قاف و شین میں

سُسرا! غزل ہماری ہمیں کو سُنا گیا
پالا ہے ہم نے کیسا یہ مار آستین میں

اِک نظم کا خیال سمایا ہے دِل میں آج
کچھ قافیے بھی چاہئیں اِس کی زمین میں

کوشش کے باوجود نہ دیوان بن سکا
عمرِ دراز کٹ گئی اِس کی تزئین میں
------​

 

[الف عین]

واہ واہ۔ غزل یا وزل تو اچھی کہی ہے۔
تزئین کا تلفظ دیکھ لیں آخر شعر میں

 

[یوسف سلطان]

سُسرا! غزل ہماری ہمیں کو سُنا گیا
پالا ہے ہم نے کیسا یہ مار آستین میں

 

[محمد خلیل الرحمٰن]

واہ واہ۔ غزل یا وزل تو اچھی کہی ہے۔
تزئین کا تلفظ دیکھ لیں آخر شعر میں

جزاک اللہ استادِ محترم۔

جی اس آخری شعر کو دوبارہ دیکھتے ہیں۔

 

[محمد خلیل الرحمٰن]

آداب

 

[عرفان سعید]

بہت اعلی محترمی! آپ کے ذوقِ سخن سے ہمیشہ لطف اٹھایا ہے۔

 

[جاسمن]

بہت خوب!
اعلیٰ۔

 

[محمد خلیل الرحمٰن]

بہت اعلی محترمی! آپ کے ذوقِ سخن سے ہمیشہ لطف اٹھایا ہے۔

جزاک اللہ محترم عرفان سعید بھائی۔ پسندیدگی پر شکریہ قبول ہو

 

[محمد خلیل الرحمٰن]

بہت خوب!
اعلیٰ۔

جزاک اللہ بٹیا۔ پسندیدگی پر شکریہ قبول فرمائیے

 

[محمد عدنان اکبری نقیبی]

واہ جی بہت اعلی ۔

 

[امجد علی راجا]

شاعروں کے مسائل پر ایک غزل
محمد خلیل الرحمٰن

مرنے کے بعد ہم کو بھی رُسوا نہ کیجیو!
کہیو غزل نہ کوئی ہماری زمین میں

اپنی زمین ہم نے رجسٹر کرائی تھی
احباب اُس کو لے گئے ایران و چین میں

یاروں نے قافیے بھی اچھوتے ہی گھڑ لیے
اور ہم پھنسے ہوئے ہیں اسی قاف و شین میں

سُسرا! غزل ہماری ہمیں کو سُنا گیا
پالا ہے ہم نے کیسا یہ مار آستین میں

اِک نظم کا خیال سمایا ہے دِل میں آج
کچھ قافیے بھی چاہئیں اِس کی زمین میں

کوشش کے باوجود نہ دیوان بن سکا
عمرِ دراز کٹ گئی اِس کی تزئین میں
------​

شعراء کے مسائل کو کیا خوبصورتی سے بیان کیا ہے۔ مزہ آگیا۔ بہت ساری داد قبول فرمائیں۔

 

[محمد خلیل الرحمٰن]

شعراء کے مسائل کو کیا خوبصورتی سے بیان کیا ہے۔ مزہ آگیا۔ بہت ساری داد قبول فرمائیں۔

سو سے زیادہ دن ہوچکے تھے آپ کی غیر حاضری کو۔ محفل میں بارِ دگر خوش آمدید۔

آداب آداب

 

[امجد علی راجا]

سو سے زیادہ دن ہوچکے تھے آپ کی غیر حاضری کو۔ محفل میں بارِ دگر خوش آمدید۔

آداب آداب

غیرحاضری کے دن تک یاد ہیں بھائی کو۔ اس کا مطلب ہے کہ ہم بھی نظرِکرم کی زد میں ہیں
خوشی ہوئی جان کر۔ جزاک اللہ

 

[عرفان قادر]

ہاہاااااااااااااا بہت خوبصورت غزل ہے۔

 

[محمد خلیل الرحمٰن]

جس وقت ہم آپ کی غزل پڑھ کر اس کی تعریف کے رہے تھے، عین اسی وقت آپ بھی ہماری غزل پڑھ رہے تھے۔ خوب صورت اتفاق۔

 

[لاريب اخلاص]

عمدگی سے کہی غزل بہت عمدہ لگی

 

[محمد خلیل الرحمٰن]

عمدگی سے کہی غزل بہت عمدہ لگی

جزاک اللہ۔شکریہ قبول فرمائیے

 

[محمل ابراہیم]

بہت اچھی لگی آپکی غزل۔۔۔۔۔۔۔

آپ سے ایک مدد کی موتمنی ہوں۔۔۔۔۔میں بھی ٹوٹی پھوٹی شاعری کرتی ہوں مجھے آپسے اصلاح درکار ہے اور یہ بھی جاننا چاہونگی کہ کیسے اپنی تحریر کو کسی رسالے میں شائع کراؤں۔۔۔۔۔۔۔۔۔کیا آپکے پاس کسی مقبول رسالے کے مدیرِ کی Gmail I'd ہے؟؟؟؟

 

[نویدظفرکیانی]

کوشش کے باوجود نہ دیوان جن سکا
واہ ۔۔۔۔

 

[صابرہ امین]

سُسرا! غزل ہماری ہمیں کو سُنا گیا
پالا ہے ہم نے کیسا یہ مار آستین میں


کوشش کے باوجود نہ دیوان بن سکا
عمرِ دراز کٹ گئی اِس کی تزئین میں
------​

بہت اعلیٰ ۔ ۔