شاعری کا مشغلہ ہر آن ہونا چاہیے۔۔۔۔۔۔نیاز سواتی

[عرفان سعید]

شاعری کا مشغلہ ہر آن ہونا چاہیے
گھر میں کھانے کا بھی کچھ سامان ہونا چاہیئے

میرا بیٹا بات سچی کوئی بھی کرتا نہیں
میرے بیٹے کو سیاستدان ہونا چاہئیے

دفتری عملے کو رشوت دے چکا ہون بار ہا
اب تو میرے کام کو آسان ہونا چاہئیے

جو غزل پر لاد کر لائے پچاس اشعار کو
ایسے شاعر کا بھی اب چالان ہونا چاہیئے

نام اس کوٹھی کا کیوں رکھا ہے کٹیا شیخ جی
نام جس کا قصر عالی شان ہونا چائیے
(نیاز سواتی)​

 

[امجد علی راجا]

شراکت کے لئے شکریہ عرفان بھیا۔
نیاز سواتی صاحب ہزارہ کے بہت معروف شاعر ہیں (اللہ پاک ان کی مغفرت فرمائے) میں بھی ہزارہ سے ہوں اس لئے نیاز سواتی صاحب کے ساتھ دوہری وابستگی رکھتا ہوں اور انتہائی عقیدت بھی۔
اس غزل کا مقطع بھی بہت شاندار ہے۔

باپ کے دشمن سے لیتے ہیں بہادر انتقام
آدمی کو دشمنِ شیطان ہونا چاہیئے​

 

[لئیق احمد]

بہت زبردست انتخاب

 

[سید عمران]

بہت عمدہ عرفان سعید صاحب!!!