شاعری کی اصطلاحات پہ اشعار

[جاسمن]

یہ میرے گیت خریدے ہیں تُو نے مجھ سے تو پھر
رباب و طاؤس و مضراب و نغمہ خواں بھی خرید
اسد اعوان

 

[سیما علی]

ایک مصرعہ بھی جو زندہ رہے کافی ہے صباؔ
میرے ہر شعر کی شہرت ہو ضروری تو نہیں

صبا اکبر آبادی

 

[سیما علی]

حرف کو برگ نوا دیتا ہوں
یوں مرے پاس ہنر کچھ بھی نہیں

خلیل تنویر

 

[سیما علی]

خشک سیروں تن شاعر کا لہو ہوتا ہے
تب نظر آتی ہے اک مصرعۂ تر کی صورت

امیر مینائی

 

[سیما علی]

ہمارے شعر ہیں اب صرف دل لگی کے اسدؔ
کھلا کہ فائدہ عرض ہنر میں خاک نہیں

مرزا غالب

 

[جاسمن]

میں خود بھی یار تجھے بھولنے کے حق میں ہوں
مگر جو بیچ میں کم بخت شاعری ہے نا
افضل خان

 

[جاسمن]

کلام تجھ سے اگر کنجِ گلستاں میں رہے
کوئی ضروری نہیں، شاعری بھی کی جائے
اعتبار ساجد

 

[جاسمن]

کہ میری غزلوں میں میری نظموں میں کرب آ کر سمٹ گیا ہے
مرے قلم سے نکل رہے ہیں جناب آنکھوں کے زندہ نوحے
طاہر حنفی

 

[جاسمن]

سننے والے بھی غزل مانگ کے لے جاتے ہیں
شہر کا شہر سخن ور ہے، خدا خیر کرے!
اعتبار ساجد

 

[جاسمن]

شورِ دنیا میں یہ تخلیق تو ممکن ہی نہیں
شاعری رات کی خاموش فضا مانگتی ہے
اعتبار ساجد

 

[جاسمن]

پرانے گھر کی اس کھڑکی کے پیچھے
کبھی ہم بیٹھ کر لکھتے تھے غزلیں
اعتبار ساجد

 

[جاسمن]

جب تلک خونِ جگر شعر سے ٹپکے نہ ترے
شعر گوئ میں تو استاد نہیں ہو سکتا

سیدہ رادین علی

 

[جاسمن]

ایک مصرعہ بھی جو زندہ رہے کافی ہے صباؔ
میرے ہر شعر کی شہرت ہو ضروری تو نہیں

صبا اکبر آبادی

واہ! بہت خوب!

 

[جاسمن]

جو لغت کو توڑ مروڑ دے جو غزل کو نثر سے جوڑ دے
میں وہ بد مذاق سخن نہیں وہ جدیدیا کوئی اور ہے
خالد عرفان

 

[جاسمن]

بھوک تخلیق کا ٹیلنٹ بڑھا دیتی ہے
پیٹ خالی ہو تو ہم شعر نیا کہتے ہیں
خالد عرفان

 

[جاسمن]

یہی تیرے غم کا کِتھارسس، یونہی چشمِ نم سے ٹپک کے پڑھ
یونہی رات رات غزل میں رو، یونہی شعر شعر سسک کے پڑھ

یہی رتجگوں کی امانتیں ہیں بیاضِ جاں میں رکھی ہوئی
جو لکھے نہیں ہیں نصیب میں وہ ملن پلک سے پلک کے پڑھ

مرے کینوس پہ شفق بھری نہ لکیریں کھینچ ملال کی
کوئی نظم قوسِ قزح کی لکھ کوئی رنگ ونگ دھنک کے پڑھ

کوئی پرفیوم خرید لا، کوئی پہن گجرا کلائی میں
نئے موسموں کا مشاعرہ کسی مشکبو میں مہک کے پڑھ

منصور آفاق

 

[جاسمن]

کوئی مختلف نہیں ہے یہ دھواں یہ رائیگانی
کہ جو حال شہر کا ہے وہی اپنی شاعری کا
اعتبار ساجد

 

[جاسمن]

نہیں ہے نرخ کوئی میرے ان اشعار تازہ کا
یہ میرے خواب ہیں خوابوں کی قیمت کون رکھتا ہے
اعتبار ساجد

 

[جاسمن]

خدا نے چاہا تو سب انتظام کر دیں گے
غزل پہ آئے تو مطلع میں کام کر دیں گے
تم ایک عمر سے تمہید لکھ رہے ہو شجاعؔ
ہم ایک لفظ میں قصہ تمام کر دیں گے

شجاع خاور