شام کی گفتگو ،ہو تم شائد

[زھرا علوی]

"خواہشِ جستجو ،ہو تم شاید
حاصلِ آرزو ،ہو تم شائد

نیم تاریک شب کی خاموشی
شام کی گفتگو ،ہو تم شاید

یا تو یہ عکسِ ذات ہے میرا
یا تو پھر ہو بہ ہو ،ہو تم شاید

آج پھر حرف سانس لینے لگے
آج پھر رو برو ،ہو تم شاید

وہ نویدِ صبحِ بہار ہے جو
اسی رت کی نمو ،ہو تم شاید"۔۔۔۔۔۔۔۔۔۔۔

 

[حسن علوی]

بہت خوب زھرا۔

میرا شاعری کا اتنا کوئی تجربہ تو نہیں مگر آپ کا مقطع شاید کچھ تھوڑا سا وزن میں نہیں۔ نظر ثانی کیجیئے گا۔

 

[زھرا علوی]

بہت خوب زھرا۔

میرا شاعری کا اتنا کوئی تجربہ تو نہیں مگر آپ کا مقطع شاید کچھ تھوڑا سا وزن میں نہیں۔ نظر ثانی کیجیئے گا۔

شکریہ حسن۔۔۔۔۔
جی ضرور ۔۔۔۔۔۔۔۔۔۔۔۔

 

[فاتح]

خوبصورت کلام ہے۔ ماشاء اللہ! خصوصآ ذیل کے اشعار تو کمال ہیں:
یا تو یہ عکسِ ذات ہے میرا
یا تو پھر ہو بہ ہو ،ہو تم شائد

آج پھر حرف سانس لینے لگے
آج پھر رو برو ،ہو تم شائد

حسن صاحب کی بات درست ہے مقطع کے مصرع اولیٰ میں "صبح" کچھ کھٹک رہا ہے۔ "نویدِ رُخِ بہار" کیسا رہے گا؟

 

[زھرا علوی]

خوبصورت کلام ہے۔ ماشاء اللہ! خصوصآ ذیل کے اشعار تو کمال ہیں:
یا تو یہ عکسِ ذات ہے میرا
یا تو پھر ہو بہ ہو ،ہو تم شائد

آج پھر حرف سانس لینے لگے
آج پھر رو برو ،ہو تم شائد

حسن صاحب کی بات درست ہے مقطع کے مصرع اولیٰ میں "صبح" کچھ کھٹک رہا ہے۔ "نویدِ رُخِ بہار" کیسا رہے گا؟

بہت شکریہ فاتح صاحب

واقعی آپ کی تجویز زبردست ہے ۔۔۔۔۔

 

[ابن سعید]

بہت خوب بیٹا!

باقی بعد میں۔

 

[زھرا علوی]

یہ ٹال مٹول ہے یا وعدہ؟

 

[فرخ منظور]

بہت اچھا کلام ہے زہرا علوی صاحبہ -

 

[محمد وارث]

بہت اچھی غزل ہے، بہت خوب

 

[فاتح]

ایک بات اور کہنا چاہوں‌گا کہ میری رائے میں درست املا "شاید" ہے۔

 

[زھرا علوی]

ایک بات اور کہنا چاہوں‌گا کہ میری رائے میں درست املا "شاید" ہے۔

ارے واقعی۔۔۔
مجھے پتہ ہی نہیں تھا۔۔۔
میں ٹھیک کرتی ہوں۔۔۔

 

[فرخ منظور]

درست املا شاید ہے اور یہ باید کے وزن پر ہے - یعنی شا-ید

 

[گرو جی]

یا تو یہ عکسِ ذات ہے میرا
یا تو پھر ہو بہ ہو ،ہو تم شائد

اس شعر میں شایر وزن کی کمی ہے
یا تو یہ عکسِ ذات ہے میری
یا پھر میں‌، ہو بہ ہو تم شاید

معافی چاہتا ہوں‌پر مجھے جو کمی محسوس ہوئی عرض کر دی

 

[زھرا علوی]

یا تو یہ عکسِ ذات ہے میرا
یا تو پھر ہو بہ ہو ،ہو تم شائد

اس شعر میں شایر وزن کی کمی ہے
یا تو یہ عکسِ ذات ہے میری
یا پھر میں‌، ہو بہ ہو تم شاید

معافی چاہتا ہوں‌پر مجھے جو کمی محسوس ہوئی عرض کر دی

پہلی بات معذرت کی قطعا ضرورت نہیں
دوسرا یہاں میرا "عکس" کی نسبت استعمال ہوا ہے"ذات" کی نسبت نہیں۔۔۔۔
لہذا یہاں "میرا" ہی درست ہے۔۔۔۔۔

 

[الف عین]

اچھی غزل ہے زہرا۔۔ گرو نے وزن یعنی عروض کی بات کی ہے جو غلط ہے بلکہ شعر کو عروض سے آزاد بنا دیا ہے انہوں نے۔ لیکن ان کے اعتراض سے قطعِ نظر مجھے یہ محسوس ہوا کہ عکسِ ذات کی جگہ اگر ’میرا ہی عکس‘ کہو تو کیسا رہے؟
اور نویدِ صبحِ بہار بحر میں نہیں آتا اور فاتح کی اصلاح یوں تو درست لگتی ہے لیکن رخِ بہار کی ترکیب ابھی اچھی نہیں لگ رہی۔

 

[زھرا علوی]

شکریہ اصلاح کے لیے عبید انکل
میں ان چیزوں پر غور کرتی ہوں۔۔۔

 

[محسن حجازی]

فرخ بھائی آپ پھر وزن منظوم کی باتیں کرتے پکڑے گئے ہیں! یاد ہے ناں ہمارا جو مکالمہ ہوا تھا؟

 

[زھرا علوی]

یہ کون سے خفیہ مکالمے چل رہے ہیں یہاں

 

[ایم اے راجا]

زہرا جی بہت خوب غزل ہے یہ شعر بہت ہی خوبصورت ہے،

آج پھر حرف سانس لینے لگے
آج پھر رو برو ،ہو تم شاید

 

[ایم اے راجا]

یا تو یہ عکسِ ذات ہے میرا
یا تو پھر ہو بہ ہو ،ہو تم شائد

اس شعر میں شایر وزن کی کمی ہے
یا تو یہ عکسِ ذات ہے میری
یا پھر میں‌، ہو بہ ہو تم شاید

معافی چاہتا ہوں‌پر مجھے جو کمی محسوس ہوئی عرض کر دی

گرو جی خدا کا واسطہ