محسن نقوی شاید اُسے ملے گی لبِ بام چاندنی

[محمد بلال اعظم]

​

شاید اُسے ملے گی لبِ بام چاندنی​

اُتری ہے شہر میں جو سرِ شام چاندنی​

​

مجھ سے اُلجھ پڑے نہ کڑی دوپہر کہیں؟​

میں نے رکھا غزل میں ترا نام "چاندنی"​

​

میں مثلِ نقشِ پا، مرا آغاز دُھول دُھول​

تُو چاند کی طرح، ترا انجام۔۔۔ چاندنی​

​

جن وادیوں کے لوگ لُٹے، گھر اُجڑ چُکے​

اُن وادیوں میں کیا ہے ترا کام چاندنی؟​

​

اُن کے لئے تھی صورتِ اعزاز ہر کرن​

اپنے لیے ہے باعثِ الزام چاندنی​

​

چنتی ہیں میرے اشک رُتوں کی بھکارنیں​

محسنؔ لُٹا رہا ہوں سرِ عام چاندنی​

​

(محسن نقوی)​

(عذابِ دید، ص 734)​

 

[مفتی عزیزالرحمان]

بہت خوب

 

[ہارون اعجاز]

واہ

 

[نیرنگ خیال]

میں مثلِ نقشِ پا، مرا آغاز دُھول دُھول
تُو چاند کی طرح، ترا انجام۔۔۔ چاندنی​

کیا کہنے منے۔۔۔ بہت اعلیٰ