شعر مکمل کریں : جب دیا رنج بتوں نے تو خدا یاد آیا

[نورمحمد]

بھئ ایک شعر ہے جس کا دوسرا مصرعہ معلوم کرنا ہے ۔۔ اگر کسی صاحب کو پتہ ہو تو ضرور بتا دے ۔۔

مصرعہ ہے :

جب دیا رنج بتوں نے تو خدا یاد آیا

میں نے اپنی بساط کے مطابق کوشش تو کی ہے مگر پورا شعر مجھے نہ ملا ۔ برائے کرم میری مدد کریں

شکریہ

 

[نورمحمد]

کیا بھائ ۔ ۔ ۔ ۔ ۔ کوئی اس گلی سے نہیں گزرا ؟ ؟ ؟

 

[نیرنگ خیال]

آپ کچھ متعلق محفلین کو ٹیگ کر دیتے۔
سر محمد یعقوب آسی
فاتح بھائی
محمد احمد بھائی
مزمل شیخ بسمل بھائی
محمد بلال اعظم
مہدی نقوی حجاز بھائی

 

[محمد یعقوب آسی]

میں نے یہ سوال دیکھا تھا ۔۔ اپنی کم علمی کو چھپانے کی غرض سے خاموش رہا۔

بہت آداب۔

 

[محمد یعقوب آسی]

فرخ منظور صاحب، الف عین صاحب ۔۔ ان دونوں کے مطالعہ سے فائدہ اٹھائیے۔

 

[نورمحمد]

آپ کچھ متعلق محفلین کو ٹیگ کر دیتے۔
سر محمد یعقوب آسی
فاتح بھائی
محمد احمد بھائی
مزمل شیخ بسمل بھائی
محمد بلال اعظم
مہدی نقوی حجاز بھائی

شکریہ محترم ۔۔۔مگر میں ابھی تک اس بلاگ پر جاہل ہوں اور بہت ساری سہولیات معلوم نہیں ہیں ۔ ۔۔

آپ کے اس جواب سے قبل اس پریشانی میں تھا کہ میرا یہ سوال ( موضوع) دیگر ممبران کو دکھائی بھی دے رہا ہے یا نہیں ۔ ۔ ۔ مگر آپ نے جواب دیا تو بڑی ہمت بندھی کہ میں مایوس ہو کر ابھی لاگ آوٹ ہی ہونے والا تھا ۔ ۔ آپ کی بڑی مہربانی

اب آس بندھی ہے کہ کچھ بات بنے ۔ ۔۔۔ جزاک اللہ

 

[نورمحمد]

میں نے یہ سوال دیکھا تھا ۔۔ اپنی کم علمی کو چھپانے کی غرض سے خاموش رہا۔

بہت آداب۔

شکریہ محترم ۔ ۔ یہ آپ کا بڑھکپن ہے ۔ ۔ ۔

اللہ آپ کو خوش رکھے ۔ ۔

 

[شمشاد]

محمد وارث بھائی
الف عین بھائی
فرخ منظور بھائی

 

[شمشاد]

محمد احمد بھائی
خرم شہزاد خرم

 

[محمد وارث]

جی مجھے علم نہیں ہے، افسوس

 

[نورمحمد]

جی مجھے علم نہیں ہے، افسوس

ناقابلِ یقین ۔ ۔ ۔ ۔ خیر۔۔۔ کوئی تو اللہ کا بندہ ہوگا ۔ ۔ ۔

 

[محمداحمد]

بہت معذرت! اس سلسلے میں ہمیں بھی کچھ نہیں پتہ۔

یہاں اس مصرعے سے متعلق گفتگو رومن اردو میں موجود ہے۔ لیکن یہاں بھی یہی سوال ہے کہ دوسرا مصرعہ نہیں معلوم۔

 

[نورمحمد]

شکریہ محمد احمد صاحب ۔ ۔۔ میں نے بھی نیٹ پر بہت کوشش کی کہ دوسرا مصرعہ مل جائے ۔ ۔۔ مگر ہر جگہ پر یہی مصرعہ مل رہا ہے ۔۔۔ اور مجھے شاعر کا نام بھی معلوم نہیں ہے ۔۔ ۔
جزاک ا للہ

 

[محمد بلال اعظم]

فی الحال تک تو "انگور کھٹے ہیں"۔
آگے کا پتہ نہیں۔

 

[الف عین]

میں بھی اسی کشتی میں سوار ہوں جس میں دوسرے احباب ہیں۔

 

[محمد یعقوب آسی]

شکریہ محترم ۔ ۔ یہ آپ کا بڑھکپن ہے ۔ ۔ ۔​

’’بڑھکپن‘‘ کی بھی خوب کہی جانب نورمحمد

 

[بشیر احمد]

شاید یہ مصرعہ اسی غزل کا حصہ ہے ۔۔۔۔۔۔۔
جب کبھی ٹُوٹ کے بکھرے تو خدا یاد آیا
اُلجھنوں میں کبھی اُلجھے تو خدا یاد آیا

تیرے کُوچے میں جو تھے،سامنے تھا تُو ھی تُو
تیرے کُوچے سے جو نکلے تو خدا یاد آیا

تُجھ سے مانگی تھی خوشی،اپنے لئے تیرے لئے،
تُونے بخشے ھمیں صدمے تو خدا یاد آیا

مسجدوں میں جو گئے ھم تو رھا مسلک یاد
مسجدوں سے اگر نکلے تو خدا یاد آیا

عُمر بھر سَرکشی کرتے رھے اُس رب سے حنیف
اور جب لحد میں اُترے تو خدا یاد آیا

 

[محمد یعقوب آسی]

فیس بک پر اپنے ادب دوست احباب سے تعاون کی درخواست کر دی ہے۔
امید ہے کچھ نہ کچھ ہو رہے گا۔
۔۔۔۔۔۔۔۔۔۔۔۔۔۔۔۔۔
صاحبان و صاحبات ! ۔۔
جب دیا رنج بتوں نے تو خدا یاد آیا
۔۔۔۔۔۔
یہ رہا ایک مصرع ۔۔ پورا شعر کیا ہے، کس کا ہے، کس کتاب میں ہے ۔۔۔
کچھ علم میں ہو تو بتائیے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[نورمحمد]

فیس بک پر اپنے ادب دوست احباب سے تعاون کی درخواست کر دی ہے۔
امید ہے کچھ نہ کچھ ہو رہے گا۔
۔۔۔ ۔۔۔ ۔۔۔ ۔۔۔ ۔۔۔ ۔۔
صاحبان و صاحبات ! ۔۔
جب دیا رنج بتوں نے تو خدا یاد آیا
۔۔۔ ۔۔۔
یہ رہا ایک مصرع ۔۔ پورا شعر کیا ہے، کس کا ہے، کس کتاب میں ہے ۔۔۔
کچھ علم میں ہو تو بتائیے گا۔

۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔

شکریہ محمد یعقوب آسی صاحب ۔ ۔ شاید ف ب سے کچھ بات بنے !!!

 

[نورمحمد]

اور بشیر احمد صاھب ۔ ۔ ۔ آپ کا بھی شکریہ ۔۔ ۔