بارہویں سالگرہ شعر کا جواب شعر سے دیں ۔ برائے محفل کے شعراء

[عباد اللہ]

ہم تو سرشار

مِلا ہے جو تُجھے ، تیرا کمال تھا کتنا؟
مگر نصیب پہ تجھ کو ملال تھا کتنا!

ہم تو سرشار ہیں نصیبوں پر
کوئی کیفیتِ ملال نہیں!

 

[محمد وارث]

ہم تو سرشار

ہم تو سرشار ہیں نصیبوں پر
کوئی کیفیتِ ملال نہیں!

غم نہیں، دُکھ نہیں، ملال نہیں
لب پہ جو ایک بھی سوال نہیں

ایک انتہائی پرانا شعر

 

[محمد عدنان اکبری نقیبی]

غم نہیں، دُکھ نہیں، ملال نہیں
لب پہ جو ایک بھی سوال نہیں

ایک انتہائی پرانا شعر

عشقکرو تو یہ بھی سوچو عرض سوال سے پہلے
ہجر کی پوری رات آتی ہے صبح وصال سے پہلے
نوشی گیلانی​

 

[عباد اللہ]

عشقکرو تو یہ بھی سوچو عرض سوال سے پہلے
ہجر کی پوری رات آتی ہے صبح وصال سے پہلے
نوشی گیلانی
نقیبی بھیا صرف قافیہ نہیں ملانا کچھ ایسا کہنا ہے کہ شعر کا جواب بھی ہو جائے​

غم نہیں، دُکھ نہیں، ملال نہیں
لب پہ جو ایک بھی سوال نہیں

ارتقا دائمی حقیقت ہے
غم کی اقلیم میں زوال نہیں
حالِ نا گفتنی ہے اس کا سبب
یہ جو لب پر مرے سوال نہیں

 

[الف عین]

حالِ نا گفتنی ہے اس کا سبب
یہ جو لب پر مرے سوال نہیں

پہلی بار نظروں نے چاند بولتے دیکھا
ہم جواب کیا دیتے کھوگئے سوالوں میں
بشیر بدر

 

[عباد اللہ]

پہلی بار نظروں نے چاند بولتے دیکھا
ہم جواب کیا دیتے کھوگئے سوالوں میں
بشیر بدر

استادی اگر اسی زمین میں جواب دینے کی قید بھی رکھ لی جاوے تو کیسا ہے؟
سوچتے ہیں کوئی نئی تشبیہ
چاند تجھ حسن کی مثال نہیں

 

[محمد تابش صدیقی]

استادی اگر اسی زمین میں جواب دینے کی قید بھی رکھ لی جاوے تو کیسا ہے؟
سوچتے ہیں کوئی نئی تشبیہ
چاند تجھ حسن کی مثال نہ

اس زمین سے باہر کیسے نکلیں گے؟
مشکل ہو جائے گا۔
ایک عمومی جواب آپ کی اس فی البدیہہ شاعری پر

تیری طبعِ رواں کو دیکھا ہے
عاجزی اب نہ کام آئے گی

 

[عباد اللہ]

اس زمین سے باہر کیسے نکلیں گے؟
مشکل ہو جائے گا۔
ایک عمومی جواب آپ کی اس فی البدیہہ شاعری پر

تیری طبعِ رواں کو دیکھا ہے
عاجزی اب نہ کام آئے گی

عجز لازم ہے اس خرابے میں
محض طبعِ رواں کی بات نہیں !

 

[محمد وارث]

عجز لازم ہے اس خرابے میں
محض طبعِ رواں کی بات نہیں !

خونِ دل بھی جلے گا اس میں اسد
شاعری صرف قیل و قال نہیں

 

[نور وجدان]

استادی اگر اسی زمین میں جواب دینے کی قید بھی رکھ لی جاوے تو کیسا ہے؟
سوچتے ہیں کوئی نئی تشبیہ
چاند تجھ حسن کی مثال نہیں

وہ جو اسکے سامنے آگیا وہی روشنی میں نہا گیا
عجب اسکی ہیبتِ حسن تھی عجب اس کا رنگ جمال تھا
فخری

 

[عباد اللہ]

خونِ دل بھی جلے گا اس میں اسد
شاعری صرف قیل و قال نہیں

خوب فرمایا اہلِ بینش نے
ہم کو اس رائے میں کلام نہیں

 

[نور وجدان]

خوب فرمایا اہلِ بینش نے
ہم کو اس رائے میں کلام نہیں

شعر جس کے لئے کہے ہم نے
اس کو بھی ذوق تو خدا بخشے

 

[لاریب مرزا]

وہ جو اسکے سامنے آگیا وہی روشنی میں نہا گیا
عجب اسکی ہیبتِ حسن تھی عجب اس کا رنگ جمال تھا
فخری

مت کرو بحث ہار جاؤ گی
حسن اتنی بڑی دلیل نہیں

جون ایلیا

 

[نور وجدان]

مت کرو بحث ہار جاؤ گی
حسن اتنی بڑی دلیل نہیں

جون ایلیا

یہ مکمل کچھ یوں ہے

تم جاذب و جمیل ہو، زندگی جاذب و جمیل نہیں
مت کرو بحث ہار جاؤ گی، حسن اتنی بڑی دلیل نہیں

 

[لاریب مرزا]

یہ مکمل کچھ یوں ہے

تم جاذب و جمیل ہو، زندگی جاذب و جمیل نہیں
مت کرو بحث ہار جاؤ گی، حسن اتنی بڑی دلیل نہیں

جہاں تک ہم نے پڑھا ہے یہ چھوٹی بحر میں ہے اور درست شعر کچھ یوں ہے۔

تم بہت جاذب وجمیل سہی
زندگی جاذب و جمیل نہیں
مت کرو بحث ہار جاؤ گی
حسن اتنی بڑی دلیل نہیں۔

 

[فہد اشرف]

شعر جس کے لئے کہے ہم نے
اس کو بھی ذوق تو خدا بخشے

ستم تو یہ ہے ظالم سخن شناس نہیں
وہ ایک شخص کہ شاعر بنا گیا مجھ کو
فراز

 

[نور وجدان]

جہاں تک ہم نے پڑھا ہے یہ چھوٹی بحر میں ہے اور درست شعر کچھ یوں ہے۔
تم بہت جاذب وجمیل سہی
زندگی جاذب و جمیل نہیں
مت کرو بحث ہار جاؤ گی
حسن اتنی بڑی دلیل نہیں۔

بحر ابھی نوٹ کی، اس کو اسطرح لکھا پڑا ہے! شکریہ جناب

 

[عباد اللہ]

وہ جو اسکے سامنے آگیا وہی روشنی میں نہا گیا
عجب اسکی ہیبتِ حسن تھی عجب اس کا رنگ جمال تھا
فخری

وہی محفلیں ہیں وہی سماں وہی کارگہ ہے وہی جہاں
وہی حسن ہے وہی دلبری وہی احتباسِ سوال ہے

شعر کچھ یوں ہے

تم جاذب و جمیل ہو زندگی جاذب و جمیل نہیں
مت کرو بحث ہار جاؤ گی حسن اتنی بڑی دلیل نہیں

تم بہت جاذب و جمیل سہی

 

[محمد وارث]

مت کرو بحث ہار جاؤ گی
حسن اتنی بڑی دلیل نہیں

جون ایلیا

قطری شہزادہ زندہ باد یہاں
غلط "اُن" کا کوئی کفیل نہیں

 

[عباد اللہ]

قطری شہزادہ زندہ باد یہاں
غلط "اُن" کا کوئی کفیل نہیں

کیا علاقہ ادب سے ہے اس کو؟
یاں سیاست نہ لائیو استاد!